Lahi nga Matang sa Christmas Tree

Ni Eliana Osborn

Gibase sa usa ka tinuod nga istorya

“Isangon ninyo ang akong yugo diha kaninyo, ug pagtuon kamo gikan kanako” (Mateo 11:29).

1. Si Carlos naghinam-hinam alang sa Pasko. Niining tuiga adunay butang nga lahi sa iyang panimalay. Usa ka dakong kahoy nga hinimo sa sinaw nga green nga papel ang gipapilit sa pultahan.

   Ma, nganong dunay kahoy sa pultahan?

   Maghimo kita og gamayng kalainan alang sa Pasko karong tuiga.

2. Si Carlos naghunahuna kon unsa kaha nga kalainan. Ang iyang igsoong babaye, si Araceli,ug ang manghod niyang lalaki, si Diego, naghunahuna usab.

3. Akong gihimo kining mga papel nga pang-adorno alang sa kahoy. Sa matag adlaw mosulat kita og butang mahitungod ni Jesukristo diha sa adorno ug dayon ibutang kini sa kahoy. Inig ka tungang gabii sa Pasko, ang tibuok kahoy mapuno na!

4. Giganahan si Carlos niana nga ideya. Si Araceli midagan ngadto sa mga adorno ug mikuha og pula nga lapis.

   Si Jesus nabunyagan.

5. Nindot kana. Mahimo ba nakong isulat nga si Jesus mihimo og daghang milagro?

   Husto kaayo kana. Kamong duha dunay maayo kaayong mga ideya!

6. Matag gabii human sa panihapon, si Araceli ug Carlos mihimo og laing adorno ug gibutang kini sa kahoy. Si Diego mitabang pinaagi sa pagsulti kanila nga siya nahigugma kang Jesus.

7. Sa dihang lisud na ang paghunahuna og dugang nga mga ideya, gitan-aw nila ang mga kasulatan. Si Carlos wala mahibalo nga adunay daghan kaayong mga bersikulo mahitungod kang Jesus!

8. Sa pagka tungang gabii sa Pasko ang tibuok pamilya nanganta ug mibasa sa mga adorno nga ilang gipamutang sa kahoy. Nalipay si Carlos nga nakahibalo siya og daghan mahitungod kang Jesus. Nahibalo siya nga andam na siya alang sa Pasko niining tuiga.

Mga paghulagway pinaagi ni Scott Peck