Namulong Karong Adlawa

Ang mga General Authority kanunay nga nagbisita sa mga miyembro sa Simbahan sa tibuok kalibutan. Ang mga report sa ilang pangalagad makita diha sa news.lds.org ingon man diha sa Prophets and Apostles Speak Today diha sa prophets.lds.org sa Iningles, Pranses, Aleman, Italyan, Portuguese, ug Kinatsila. Ania ang mubo nga mga asoy sa bag-ohay nga mga biyahe.

• Niadtong Mayo 26, 2011, si Presidente Dieter F. Uchtdorf, Ikaduhang Magtatambag sa Unang Kapangulohan, namulong ngadto sa 800 ka mga lider sa komunidad, negosyo, ug relihiyon nga nagtambong sa Los Angeles World Affairs Council, usa ka walay gidapigan nga organisasyon nga maunungon ngadto sa pagpalambo sa pagsinabtanay sa tibuok kalibutan. Si Presidente Uchtdorf namulong mahitungod sa pagtubo sa Simbahan gikan sa 1830 hangtud karong adlawa. Siksika ang “Uchtdorf, Los Angeles” diha sa news.lds.org.

• Niadtong Hunyo 5, 2011, si Elder Russell M. Nelson sa Korum sa Napulog Duha ka mga Apostoles mitukod sa Moscow Russia Stake —ang una diha sa Russia ug ikaduha diha sa dapit nga gilangkuban kaniadto sa Soviet Union. Sobra sa 1,100 ka mga tawo ang mitambong. Siksika sa “Nelson, Moscow” sa news.lds.org.

• Niadtong Mayo, si Elder Jeffrey R. Holland sa Korum sa Napulog Duha ka mga Apostoles mibisita sa India, Hong Kong (diin iyang gikauban si Elder David A. Bednar sa Korum sa Napulog Duha ka mga Apostoles), ug dayon sa Mongolia. Siksika sa “Holland, India” sa news.lds.org.

• Niadtong Hunyo 15, 2011, si Presiding Bishop H. David Burton mibisita sa Higashi Matsushima, Japan, sa pagbanabana sa kondisyon sa nasud sukad sa Marso 11 nga linog ug tsunami ug sa pag-obserbar sa kahupayan nga gitanyag sa Simbahan didto. Siksika sa “Burton, Japan” sa news.lds.org.