Ang Kasaysayan sa Simbahan sa tibuok Kalibutan

Mexico

Ang unang mga misyonaryo nga Santos sa Ulahing mga Adlaw miabut sa Mexico niadtong 1875. Sila gitunga ngadto sa duha ka grupo. Ang usa ka grupo mipadala og mga pinili sa Basahon ni Mormon sa Spanish ngadto sa halangdon nga mga lider sa tibuok nasud ug mitudlo og daghang mga tawo, apan wala silay nakabig. Ang lain nga grupo mibunyag sa unang lima ka mga miyembro sa Simbahan sa Mexico, sa Hermosillo, Sonora. Upat ka tuig ang milabay, usa sa mga lider kinsa nakadawat sa literatura sa Simbahan niadtong 1875, si Plotino C. Rhodakanaty sa Siyudad sa Mexico, mihangyo nga siya ug ang uban magpabunyag. Pagka-1885 nakompleto ang Spanish nga hubad sa Basahon ni Mormon.

Sulod sa daghang katuigan ang nasud miatubang og kalisud sa politika, apan ang unang mga miyembro nagpabiling matinud-anon. Ang unang Spanish-speaking nga stake sa Simbahan, ang Mexico Stake, naorganisar niadtong Disyembre 3, 1961. Ang Simbahan miabli og pipila ka mga eskwelahan, lakip na ang Benemérito de las Américas, nga gitukod sa Siyudad sa Mexico niadtong 1963, nga hangtud karon nagpadayon.

Ang unang gitukod nga templo sa Mexico, nahimutang sa Siyudad sa Mexico, gipahinungod niadtong 1983. Pagka 2000, walo ka mga templo ang gipahinungod sa Mexico.

Niadtong 2004, ang Mexico nahimong unang nasud gawas sa Estados Unidos nga adunay usa ka milyon nga mga miyembro.

Ang Simbahan sa Mexico
Mga Miyembro	1,234,545
Mga Misyon	23
Mga stake	221
Mga Ward ug mga Branch	2,009
Mga Templo	12 ang magamit; 1 ang gipahibalo

Ang mga lider sa Simbahan miapil sa groundbreaking sa Benemérito de las Américas niadtong Nobyembre 4, 1963.

Siyudad sa Mexico

Templo sa Tijuana Mexico (gipahibalo)

Templo sa Ciudad Juárez Mexico

Templo sa Colonia Juárez Chihuahua Mexico

Templo sa Hermosillo Sonora Mexico

Templo sa Monterrey Mexico

Templo sa Tampico Mexico

Templo sa Guadalajara Mexico

Templo sa Siyudad sa Mexico, Mexico

Templo sa Veracruz Mexico

Templo sa Oaxaca Mexico

Templo sa Mérida Mexico

Templo sa Villahermosa Mexico

Templo sa Tuxtla Gutiérrez Mexico

Pacific Ocean