Aumaia o le Peraimeri i le Fale
O Le Faitalia O se Meaalofa e Filifili ai mo i Tatou Lava
E mafai ona e faaaogaina le lesona ma le gaoioiga lenei e aoao atili ai e uiga i le autu o le Peraimeri i le masina lenei.
“Manuia lou aso fanau, Iuliana!” na fai atu ai Tama. Sa ia tuuina atu ia Iuliana se atigipusa na afifi i se pepa feilafi ma sa nonoaina i se lipine.
Sa ataata Iuliana. Sa fiafia o ia i le mauaina o se meaalofa mai lona tama ma sa le mafai ona tatali lona fia tatalaina o le atigipusa.
E te fiafia e pei o Iuliana pe a e maua se meaalofa? Ua tuuina mai e le Tama Faalelagi ia i tatou taitoatasi se meaalofa taua. Ua ta’ua o le faitalia. O le faitalia o le mafai lea ona tatou faia o a tatou lava filifiliga.
Ae tatou te lei o mai i le lalolagi, sa le’i manao Satani ia i ai se filifiliga a soo se tasi e faia. Sa manao o ia e faamalosi i tatou ia o mai i le lalolagi ma fai le mea e manao o ia tatou te faia. Ae sa silafia e le Tama Faalelagi e taua mo i tatou lo tatou faia o a tatou lava filifiliga. O filifiliga sa’o taitasi tatou te faia, tatou te ola latalata atili atu ai i le Tama Faalelagi ma Iesu Keriso. E finagalo i Laua ia tatou faia filifiliga lelei ina ia mafai ai ona tatou toe foi atu e nonofo faatasi ma i Laua.
O le tausaga lenei i le Peraimeri, o loo tatou aoao ai e uiga i auala e mafai ona faaaoga ai o tatou faitalia e FMT—filifili le mea tonu!
Ata na tusia e Maryn Roos