Nai Otootoga o le Lalolagi

Faapaiaina le Malumalu o San Salvador

Sa faapaiaina le Malumalu o San Salvador El Salvador i le Aso Sa, 21 o Aokuso, 2011, e Peresitene Henry B. Eyring, Fesoasoani Muamua i le Au Peresitene Sili. O le malumalu lona fa lea a le Ekalesia i Amerika Tutotonu ma o le malumalu lona 135 lea i le lalolagi atoa.

E tusa ma le 16,000 tagata sa auai i faafiafiaga e lua faaleaganuu i le Aso Toonai, 20 o Aokuso, lea na toe faamatalaina ai le talafaasolopito faaleaganuu tamaoaiga o le eria e ala i pese ma siva.

Create.LDS.org Ua Valaaulia ai le Au Paia e Saofagā i Faila Faaotiō

Ua valaaulia e le Ekalesia le au paia e auina atu ni musika e sili ona lelei ma isi faila faaotiō i le create.lds.org mo le faaaogaina i le Leitio Alaleo Mamona ma i isi gaosiga o ala o faasalalauga a le Ekalesia. E mafai ona faitau le au paia i faamatalaga o le valaaulia i le news.lds.org (sue e faaaoga ai upu autu “create.lds.org”) ma e mafai ona auina atu faila i le create.lds.org.

Ua Maua i le Initoneti le Otootoga mo le Taimi o Fetufaaiga 2012

Ua faasilasila mai e le au peresitene aoao o le Peraimeri o le autu mo le taimi o fetufaaiga mo le 2012 o le “Filifili le Mea Tonu.” E mafai e au peresitene o Peraimeri ona maua le otootoga i lalo o le “Primary” i le vaega Serving in the Church o le LDS.org.

I tausaga ua mavae, na auina atu ai kopi e 10 o le otootoga i iunite i masina taitasi o Iulai, ae ona o le i ai o le initoneti ua le toe faaauauina ai le lafoina atu o ia kopi ia Iulai, ae o le a otometi lava ona auina atu ia kopi e 3 i iunite taitasi i le oka faaletausaga o mataupu aoaoina.

O le Malumalu o San Salvador El Salvador o le malumalu lona 135 a le Ekalesia o loo faagaoioia i le lalolagi atoa ae o le malumalu lona fa i Amerika Tutotonu.

FAAFETAI: