Tusigāmanatu Konafesi Oketopa

2012

Ianuari 2012

Tusigāmanatu Konafesi Oketopa

“O le mea ua fai atu ai au le Alii, ua ou fai atu ai lava; … pe fai atu i lo’u lava leo po o le leo o a’u auauna, ua tusa lava ia” (MFF 1:38).

A o e iloiloina le konafesi aoao ia Oketopa 2011, e mafai ona e faaaogaina nei itulau (ma Tusigāmanatu o le Konafesi i lomiga i le lumanai) e fesoasoani ai ia te oe e suesue ma faaaoga aoaoga talu ai nei a perofeta soifua ma aposetolo.

Folafolaga Faaperofeta

E leai se aso ua alu ou te le fesootai atu ai i lo’u Tama i le Lagi e ala i le tatalo. O se sootaga ou te faamemelo i ai—o le a ou leiloa moni pe a aunoa ma lea sootaga. Afai e le o i ai ia te oe i le taimi nei sea sootaga ma lou Tama i le Lagi, ou te aioi atu ia te oe ia galue agai i lena sini. A o e faia lena mea, o le a e aiā ai i Ana musumusuga ma le taitaiga i lou olaga—o mea e manaomia mo i tatou uma taitoatasi pe afai tatou te fia ola faaleagaga i taimi o la tatou malaga iinei i le lalolagi. O ia musumusuga ma taitaiga o ni meaalofa Na te foai fua mai ia i tatou pe afai tatou te saili atu i ai.”

Peresitene Thomas S. Monson, “Tutu i Nofoaga Paia,” Liahona, Nov. 2011, 84.

Alu ma Fai

Na aoao mai Elder L. Tom Perry o le Korama a Aposetolo e Toasefululua e faapea, ina ia faalauteleina se malamalamaaga i le Ekalesia, e tatau ona tatou:

“Lotototoa i a tatou tautinoga e uiga ia Iesu Keriso. Tatou te mananao i isi ia iloa tatou te talitonu o Ia o le tamalii e sili ona taua i le talafaasolopito o tagata uma.”
“Avea ma se faataitaiga amiotonu i isi.… E tatau ona avea o tatou olaga ma faataitaiga o le lelei ma uiga mama, a o tatou taumafai e mulimuli i Ana faataitaiga i le lalolagi.”
“Talanoa e uiga i le Ekalesia. I le gasologa o o tatou olaga i aso uma, ua faamanuiaina lava i tatou i le tele o avanoa e faasoa atu ai i isi mea ua tatou talitonu i ai.”

Mai le “O Le Alofa Atoatoa e Faateaeseina ai le Fefe,” Liahona, Nov. 2011, 42–43.

Faatumu le Avanoa

“O le suesue ma le agaga tatalo o le o le a fausia ai le faatuatua i le Atua le Tama, i Lona Alo Pele, ma i Lana talalelei. O le a fausia ai lou faatuatua i perofeta a le Atua, o anamua ma ona po nei. E mafai ona e latalata atili ai i le Atua nai lo se isi lava tusi. E mafai ona suia ai se olaga mo le lelei.” (Henry B. Eyring, “O Se Molimau,” Liahona, Nov. 2011, 70.)
“O Se e oo ina avea ma se uo tumau e le faavaivaia i le gasologa o taimi.” (Richard G. Scott, “O Le Mana o Tusitusiga Paia,” Liahona, Nov. 2011, 6.)
“Mo i latou e manatu o luitau o latou fetaiai e le talafeagai, o le ua totogiina ia mea uma e le talafeagai o le olaga.” (Quentin L. Cook, “O Pese e Le Mafai Ona Latou Usuina,” Liahona, Nov. 2011, 106.)
“A ia i tatou le , ua tatou naunau e auauna atu ma fesoasoani i isi pe a faigata, ma e aunoa ma se mafaufau i se taui pe faalauiloa. (Silvia H. Allred, “E Le Uma le Alofa,” Liahona, Nov. 2011, 115.)

Tali: