Stap Selebretem Ol Tempol!
Dasi Jensen i stap long Kalifonia, YSA.
Taem Sol Lek Tempol i bin komplit long 1893, Ol Lata-dei Sent oli bin glad. I bin tekem olgeta 40 yia blong bildim tempol ia. From ol pikinini oli bin donetem mane blong helpem bildim tempol, Presiden Wilfod Wudrof i bin disaed blong holem faef spesel dedikesen sesen blong ol pikinini oli kam long olgeta.
Tedei ol tempol oli stap kavremap wol, mo ol pikinini oli stap help yet blong selebretem ol tempol we oli komplit. Luk olsem wanem ol pikinini oli bin stap tekpat bifo mo naoia.
I gat moa long 12,000 pikinini oli bin kam long Sol Lek Tempol blong mekem dedikesen. Ol pikinini ia we oli kam long Suga Haos Wod, oli bin tekem tren blong save kam.
Tikit ia i letem nomo ol pikinini we yia blong olgeta i kasem 16 yia blong tekpat long spesel dedikesen seves ia blong Sol Lek Tempol. Ol aposol mo ol memba blong Fas Presidensi oli bin toktok long ol pikinini insaed long tempol.
Samtaem ol tempol oli dediketem bakegen afta we oli riperem mo bildim fulwan bakegen. Ol pikinini blong Praemeri oli singsing mo karem ol laet taem oli stap tekpat long selebresen blong nambatu dedikesen blong Angkorej Alaska Tempol.
Evri wik taem oli bin stap bildim Gilbet Arisona Tempol ol Praemeri pikinini blong Gilbet Arisona Haelan Stek oli bin putum wan gol blong givim seves long wan memba long ol wod blong olgeta.
Taem oli bin stap bildim San Diego Kalifonia Tempol ol Praemeri pikinini blong Meksiko i bin mekem wan naesfala tapi wetem plante kala blong tempol. Ol Jeneral Atoriti oli bin stanap long tapi ia long taem blong konaston seves long taem blong dedikesen.
Ol Praemeri pikinini long Manitoba, Kanada, oli bin travel tri aoa i go long Rejina Saskatjwan Tempol blong tajem ol wol mo komitim olgeta blong go insaed wan dei.
Ol Praemeri pikinini long open haos blong Kiv Yukrein Tempol oli bin welkamem ol visita taem oli stap singsing “Mi Lavem blong Luk Tempol.”
Bitim 800 Praemeri pikinini blong Wes Afrika i bin singsing “Mi Pikinini blong God” long kalja selebresen bifo oli dediketem Akra Gana Tempol.
Wanwan tempol i gat wan konaston we i soem yia we oli bin dediketem. Long taem blong dedikesen, ol Jeneral Atoriti oli silim konaston wetem simen. Aesak B. we i gat 9 yia i bin help blong putum simen long konaston blong Kansas Siti Misuri Tempol.
Ol Praemeri pikinini oli bin singsing long Presiden Godon B. Hinkli taem hem i bin kam blong dediketem Aba Naejeria Tempol.
Foto (long lef): Gilbet Arisona Haeland Stek i glad blong serem foto ia; Jos Histri Laebri i glad blong serem foto ia; Rijad N. Holsapfel i glad blong serem foto ia; i kam long Lin Houlet; i kam long Mebel mo Delbet Palma; Rasel K. Andesen i glad blong serem foto ia; i kam long Deved M. W. Pikap; i kam long Lori Garsia; i kam long Geri Event; mo i kam long Juli Dokstada Hips; pikja i kam long Brad Teare