Maks mo Maea I Sevem Dei
Maks i bin rere blong pleplei supahiro. Hem i putum red tisot blong hem. Hem i putum hat blong hem blong supahiro. Afta hem i go long rum blong smol sista blong hem.
“Ale! Kam, Maea!,” Maks i talem. “Yumitu go sevem dei ia!”
Maks mo Maea i bin go long salong. Tufala i bin luk wan basket i fulap long ol klos.
“Bae yu helpem mi?” Mama i askem.
“Okei,” Maks i talem. “Afta yumi save go sevem dei ia.”
Maks mo Maea i bin helpem Mama blong foldem evri klos mo go putum olgeta.
Afta Maks i luk sam toti long floa. “Yumitu pikmap evri toti,” Maks i talem. “Afta yumi save go sevem dei ia.”
Maks mo Maea i ron raon long haos. Tufala i sakemaot evri doti we tufala i save faenem.
Tufala i bin luk Mama i stap brum long kitjin. “Mitufala i save helpem yu,” Maks i talem.
Maea i holem samting blong karemaot doti mo Maks i brum.
“Naoia yumi go sevem dei ia,” Maks i talem.
Mama i luk raon long klin haos. Afta hem i haggem Maks mo Maea. “Mi ting se yu mekem finis!”
Ol pikja oli kam long Elise Blak