Mijenede eo Edik jibūn Būbū Deny
Emília Maria Guimarães Correa ej jokwe ilo Federal District, Brazil.
“N̄e juon armej ej kōnono kōn kajoor in Jetōb kwojarjar in Jetōb Kwojarjar ej bōkļo̧k an inaan n̄an buruōn ro nejin armej” (2 Nipai 33:1).
Vitor eaar jokwe ippān jinen im leddik eo jein ilo m̧weo m̧ōn Būbū Deny. Jibūn Vítor eaar jino nan̄inmej im jab maron̄ emmakūt jen peet eo an ium̧win elōn̄ wiik ko. Ekar ajimakeke ilo ruum eo an.
Vítor eaar ļōmņak bwe emaron̄ kōjparok kom̧bani eo an Būbū Deny. Aolep raan ke eaar rool jān jikuuļ n̄an m̧weo, eaar bōk juon kape in Liaona eo n̄an ruum̧ eo an Būbū Deny im riit ļo̧k n̄ane bwebwenato ko jān alen ko an ajri.
Ālkin an kar riiti aolepān kape ko an Liaona eo me an kar baam̧le eo an, ej jino riiti Bok in Mormon im Baibōļ eo n̄ane. Būbū Deny ekar jab membōr in Kabun̄ in, bōtaab em̧m̧an an ron̄jake an Vítor riit n̄ane. Ekar m̧ōņōņō n̄an katak kōn ko̧jpeļ eo.
Būbū eaar kajjitōk elōn̄ kajjitōk ko. Eļān̄n̄e Vítor ejaje uwaak ko, ej kajjitōk ippān rūkaki in Būraimere eo an ak pukōti ilo jeje ko rekwojarjar. Būbū eaar kūr Vítor mijenede eo edik an.
Būbū Deny eaar jiron̄ Vítor bwe elōn̄ men ko eaar ekkatak jen e. Eaar kallim̧ur bwe enaaj ilo̧k in jar ippān eļan̄n̄e em̧m̧an an pād. Ta eo ekar ekkatak eaar kōm̧m̧an bwe en kōņaan ājmour im katak eļap ļo̧k kōn ko̧jpel eo.
Ke Būbū eaar em̧m̧an an mour, eaar kakūrmool kallim̧ur eo an. Eaar ilo̧k im jar ippān Vítor n̄an katak eļapļo̧k kōn ta eo eaar katakin e. Ejjab to Būbū ekar peptaij im kapen. Vítor eaar jipan̄ e jeļā bwe ko̧jpeļ eo ej m̧ool.
Ke Vítor ekar rūttoļo̧k, eaar erom juon mijenede eo ej jerbal aolep raan ilo Boston Massachusetts Mission. M̧okta jān an kar em̧m̧akūt, eaar ilo̧k n̄an tampeļ eo—ippān Būbū Deny.
Pija in jipan̄ ko an Emilia Maria Guimarães Correa