Kajjitōk ko im Uwaak ko
Etke ewōr ad tampeļ ko?
Tampeļ ko an Kabun̄ eo an Jisōs Kraist im Armej ro Rekwojarjar ilo Raan-ko Āliktata rej jikin ko rekwojarjar ijo jej katak m̧ool ko indeeo im bōk kuņaad ilo kain̄i ko rekwojarjar.
Ewi wāween lowaan tampeļ eo?
Tampeļ ej juon jikin aenōm̧m̧an, kauteij im aiboojoj. Men otemjej ilowaan tampeļ eo ej erreo im koņ. Aolep armej rej nuknuk mouj im kōnono kōn ainikien ko remera.
Ta eo ej waļo̧k ilo tampeļ ko?
Lio pālele emaron̄ liāp n̄an leo pāleen, im ajri ro remaron̄ liāp n̄an ro jineer im jemāer. Liāp eo ej kōm̧m̧an bwe baam̧le ko en pidodo aer pād ippān doon n̄an indeeo. Ilo tampeļ eo, em̧m̧aan im kōrā ro rej barāinwōt bōk juon menin letok an kōjeram̧m̧an ko an jetōb ņaetan menin letok kwojarjar. Rej maron̄ barāinwōt bōk menin letok kwojarjar im liāp kōn ro remej raar jab kōm̧m̧ane bujen ko an tampeļ.
Ta ko jet rej waļo̧k ilo tampeļ ko?
Ijjelo̧kin liāp im bōk menin letok kwojarjar eo, kain̄i ko jet rej bar kōm̧m̧an ilo tampeļ ko. Armej remaron̄ peptaij im kapen n̄an ro rekar jab maron̄ kobatok ilo Kabun̄ in ilo tōre eo rekar mour. N̄e kwoj tōpar 12 iiō dettam̧ im kwoj erreo n̄an delo̧n̄e tampeļ eo, emaron̄ wōr am̧ iien em̧m̧an n̄an peptaij im kapen n̄an ro me remej raar jab bōk ko̧jpeļ eo.
Ta eo eļan̄n̄e baam̧le eo aō rej jan̄in pād ilo tampeļ eo?
Jemedwōj Ilan̄ ejeļā im ej iakwe eok im baam̧le eo am̧. Ekōņaan bwe aolep ren bōk kōjeram̧m̧an ko an kain̄i ko an tampeļ eo. Mour erreo n̄an deļo̧n̄e tampeļ eo. Kōm̧m̧ane juon menin kōttōpar kiiō bwe kwonaaj bōk menin letok kwojarjar eo im m̧are ilo tampeļ eo juon raan. Jemedwōj Ilan̄ enaaj kōjeram̧m̧an eok im baam̧le eo am̧.
Kōmeļeļe jen Brad Teare