Ioon Iaļ eo
Ijo Kabun̄ in Eaar Ejaak ie
Itok ippām n̄an alooje juon jikin eaorōk ilo bwebwenato in Kabun̄ in!
Eļan̄n̄e Maggie im Lily E. rekōņaan lo ijo Kabun̄ in eaar m̧okta ejaak ie, rejjab aikuj pukōte ettoļo̧k. Epād wōt iturin im̧ōn jar eo ilo Fayette, New York, ijo rej ilo̧k n̄an jar aolep Jabōt!
Kabun̄ in ekar jab ejaak ilo juon im̧ōn jar eļap, ak ilo juon em̧ aļaļ. Rikanaan Joseph Smith ekar itok n̄an pād ijo ippān baam̧le eo an Whitmer ilo 1829. M̧weo m̧okta ejako, ak em̧ aļaļ in epād ilo ejja jikin eo wōt.
Im̧ōn jar eo ijo Maggie im Lily rej ilo̧k n̄an kabun̄jar ie ewōr juon jikin n̄an rilotok ippān kaloojoj ko kōn m̧weo m̧ōn Whitmer im men ko raorōk me rekar waļo̧k ijo.
1. Joseph Smith ekar kadedeļo̧k ukook eo an Bok in Mormon ijin.
2. Itunamwij in, ejjab ettoļo̧k jān m̧weo, em̧m̧aan ro jilu raar lo enjeļ Moronai im gold pileij ko. Rej ņaetaer Rikam̧ool ro Jilu kōnke raar kam̧ool, ak lo, pileij ko. Komaron̄ lo naan in kam̧ool ko aer tum̧aan in Bok in Mormon.
3. Ilo Eprōļ 6, 1830, enan̄in 60 armej rekar itok n̄an juon kweilo̧k eaorōk. Joseph Smith eaar dedeļo̧k an ejaake Kabun̄ in, im kar kōjeram̧m̧an kwojkwoj eo im leto letak. En̄in ekar kweilo̧k in kwojkwoj eo kein kajuon!
4. M̧ōjin wōt kweilo̧k eo, jinen im jemān Joseph Smith im jet bar armej rekar peptaij inamwij.
Pijo ko jen Brent Walton; kōmeļeļe ko jen Robert T. Barrett © IRI; Doulul an Kabun̄ in, jen Robert T. Barrett, jab maron̄ kapeik