Jisas Kraes i bin Putumbak Jos blong Hem long Ol Las Dei ia

Yu save yusum lesen mo aktiviti ia blong lanem moa abaot stamba toktok blong Praemeri blong manis ia.

Tingbaot se yu stap go lukaotem wan tresa. Wea nao bae yu go blong lukaotem tresa? Olsem wanem nao bae yu faenem? Bae i gat wan bokis blong tresa? Wanem bae i stap insaed?

Sam long ol tresa bokis ia i gat ol naesfala jen mo ol gol mane. Be olsem ol memba blong Jos blong Jisas Kraes blong Ol Lata-dei Sent, yumi gat wan tresa we praes blong hem i hae tumas: gospel blong Jisas Kraes

Plante pipol i no save abaot tresa ia, mekem se wan long ol wok blong yumi i blong serem wetem plante man we yumi save kasem.

Afta we Jisas mo ol Aposol blong Hem i ded, sam impoten gospel tijing mo odinens i bin lus o jenis, hemia i gat baptaes, prishud atoriti, ol tempol, ol profet we oli laef, mo sakramen.

Evri gospel tresa ia oli bin putumbak tru long Profet Josef Smit. Papa long Heven mo Jisas Kraes i bin kamaot long Josef smit long Tabu Bus taem hem i bin prea blong save trutok.

Sam taem afta, Josef i bin kasem ol gol plet mo transletem olgeta i kam Buk blong Momon. Insaed long Buk blong Momon i gat ol tijing we oli impoten long yumi from i eksplenem ol trutok we oli bin lus. Yumi kasem plante blesing from yumi gat ol gospel trutok ia.

Wanem nao ol spesel tresa ia!

Ol pikja oli kam long Braean Bij