Bōktok Būraimere n̄an M̧weo
Jisōs Kraist eaar Kōjepļaaktok Kabun̄ eo an ilo Raan-ko Āliktata
Kom̧ maron̄ kōjerbal katak in im m̧akūtkūt eo n̄an katak eļapļo̧k kōn unin kōnono eo an Būraimere an allōn̄ in.
Anto̧o̧neļo̧k am̧ etal in kappok menin aorōk. Ia eo komaron̄ pukōt menin aorōk eo ie? Ekōjkan am̧ maron̄ loe? Enaaj ke wōr bo̧o̧k in menin aorōk eo? Ta eo enaaj ilowaan?
Jet bo̧o̧k in menin aorōk epād ie m̧arm̧ar im diede pen̄kōļ ko raiboojoj im jāān dekā ko raorōk. Bōtaab āinwōt membōr ro an Kabun̄ eo an Jisōs Kraist im Armej ro Rekwojarjar ilo Raan-ko Āliktata, ewōr ad menin aorōk eo eļapļo̧k an aorōk: ko̧jpeļ eo an Jisōs Kraist.
Elōn̄ armej rejaje kōn menin aorōk in, kōn menin juon iaan jerbal ko ad ej n̄an kwaļo̧k kake ippān elōn̄ armej āinwōt ad maron̄.
Ālkin an Jisōs im Rijilōk ro An mej, jet katak ko raorōk an ko̧jpeļ eo im kain̄i ko rekar jako ak oktak, ekoba peptaij, mālim an priesthood, tampeļ ko, rikanaan ro remour, im kwojkwoj eo.
Aolepān menin aorōk kein an ko̧jpeļ rekar bar jepļaaktok kōn Rikanaan Joseph Smith. Jemedwōj Ilan̄ im Jisōs Kraist rekar waļo̧k n̄an Joseph Smith ilo Bukwin Wōjke eo ke eaar jar n̄an jeļā m̧ool eo.
Tokālik Joseph ekar bōk gold pileij ko im ukōti n̄an Bok in Mormon. Bok in Mormon epād ie katak ko me jej kaorōki kōnke ej kōmeļeļeik m̧ool ko rekar juon iien jako. Jej bōk elōn̄ kōjeram̧m̧an ko kōnke ewōr ippād m̧ool kein an ko̧jpeļ eo.
Ta menin aorōk kein raorōk!
Kōmeļeļe ko jen Bryan Beach