Sam Tingting blong Famle Haos Naet

Liahona ia i gat ol stori mo aktiviti we yu save yusum long famle haos naet. Olgeta ia oli sam long ol eksampol.

“Misin mo Ministri blong Jisas Kraes,” pej 18: Elda Rasel M. Nelson i serem faef samting abaot laef blong Jisas Kraes we yumi save folem. Gat tingting ia blong toktokraon long ol fo samting ia mo olsem wanem blong yusum olgeta long laef blong yu. Ating bae yu wantem blong ridim wan skripja stori abaot laef blong Sevya o luk wan Baebol vidio (biblevideos.lds.org) we i tokbaot wan long ol faef samting ia. Ating bae yu wantem endem wetem wan testemoni abaot laef mo ministri blong Hem mo singsing “More Holiness Give Me” (Hymns, no. 131).

“Wanem Ia Wan Tru Fren?” pej 52: Ating bae yu wantem blong stat mo askem, wanem ia wan tru fren? Ridim mining we Elda Robet D. Hels i givim mo toktokraon long wanem kaen fren nao yumi mas kam. Gat tingting ia blong talem wan eksperiens blong wan taem, taem wan i bin stap olsem wan tru fren long yu, mo tokbaot ol fasin we i save helpem ol memba blong famle i kam ol moa gud fren long ol narafala man.

“Stap Selebretem Ol Tempol!” pej 62: Wetem famle blong yu, lukluk long ol pikja long ol defren wei we ol pikinini oli bin stap selebretem tempol. Gat tingting ia blong soem wan pikja blong tempol we i kolosap long yu mo stap talem from wanem ol tempol oli impoten. Talemaot strong se long tempol nomo ol famle oli save sil. Ating bae yu wantem blong en wetem singsing “Famle I Stap Tugeta Foreva” (pej 65).

Long Lanwis blong Yu

Liahonamo ol nara tul blong Jos oli stap long plante lanwis long www.languages.lds.org.