Ļo̧mņak ko n̄an Nokon in Jota eo an Baam̧le

Bok in epād ie bwebwenato im m̧akūtkūt ko me remaron̄ in jerbal n̄an iien Nokin in Jota eo an Baam̧le. Laajrak eo rej jet wanjon̄ok ko.

“Mijen im Kwaļo̧k eo an Jisōs Kraist,” peij 18: Elder Russell M. Nelson ej kwaļo̧k ļālem wāween ko ļōmņak kaki jen Mour eo an Jisōs Kraist eo jemaron̄ in ļoori. Ļōmņak im kōnono kaki wāween ļōmņak kein im ekōjkan kōjerbali ilo mour ko ami. Kom̧ maron̄ aikuj in riiti juon bwebwenato in jeje ko rekwojarjar jān mour eo an Rilo̧mo̧o̧r eo ak alooje juon Baibōļ video (biblevideos.lds.org) eo ej pijaik juon iaan wāween ļōmņak kein. Kwomaron̄ kajem̧ļo̧ke jen kwaļo̧k naan in kam̧ool kōn mour eo An im jerbal eo An im al “More Holiness Give Me” (Hymns, no. 131).

“Ta Meļeļe in Juon M̧ōttā eo Em̧ool?” peij 52: Kwomaron̄ jino jen kajjitōk, Ta meļeļe in juon m̧ōtta eo em̧ool? Riiti kōmeļeļe eo an Elder Robert D. Hales im kōnono kōn kain m̧ōttā rot jej aikuj in erom. Ļōmņak im keidi juon en̄jake an juon iien ke juon armej eaar kōm̧anm̧an āinwōt juon m̧ōttā eo em̧ool n̄an eok, im kōnono kōn m̧wil ko me remaron̄ in jipan̄ membōr in baam̧le eo erom m̧ōttā ro rem̧m̧an n̄an ro jet.

“Kōjeram̧m̧an Tampeļ ko!” peij 62: Ippān Baam̧le eo Am̧, kalimjek pija ko ilo elōn̄ wāween ko ajri ro raar kōjeram̧m̧an tampeļ eo. Ļōmņak in kwaļo̧k juon pija in tampeļ eo epaaketata eok im kōnono etke tampeļ ko rej aiboojoj. Lukkuun kōmeļeļeiki bwe baam̧le ko remaron̄ in liāp ippān doon ilowaan wōt tampeļ eo. N̄e Kwokōņaan, kwomaron̄ kōjem̧ļo̧ke jen al “Families Can Be Together Forever” (peij 65).

Ilo Kajin Eo Am̧

Liaona eo im bok ko jet an Kabun̄ in rej pād ilo elōn̄ kajin ko ilo languages.lds.org.