2013
Ipeļaakin Kabun̄ in
Eprōļ 2013

Ipeļaakin Kabun̄ in

Kajjitōk kōn Pija ko an Jodikdik ro

Unin tōl eo an iiō in ej ba Stand ye in holy places and be not moved (Lale D&C 87:8). Ļikao ro im jiron̄ ro, Liaona eo ej pukot pija ko ami jutak ilo jikin ko rekwojarjar. Pija ko remaron̄ in kwaļo̧k am̧ joļo̧k iien ippān baam̧le eo am̧, jerbal, kōm̧m̧ane jerbal in mijenede, pija pija ko, ekkatak ko̧jpeļ eo, lale peļaakūm̧, im ko jet! En̄in ej wāween am̧ jilkintok pija eo am̧:

  • Kōm̧m̧an bwe juon en pijaik kwe kwoj jutak ilo juon jikin ekwojarjar.

  • Email e ļo̧k pija eo em̧m̧an tata n̄an liahona@ldschurch.org.

  • Likūt juon ennaan kōn etke ej juon jikin ekwojarjar n̄an eok.

  • Ilo email eo am̧, jouj im likūt likieo in etam̧, raan, allōn̄, iiō in ļotak eo, ward im stake eo(ak branch im district eo) āt, im email atōreej eo an ro jinōm̧ im jemōm̧.

Pija ko an jodikdik ro jān peļaakin laļ in naaj likūti ilo mākjiin ko rej itok wōt.

Rijilōk Ej loļo̧k Morocco

Ilo Tijem̧ba 2012, ālkin ejaake stake eo kein 3,000th an Kabun̄ in ilo Seirra Leone ilo West Africa, Elder Jeffrey R. Holland jen Doulul eo an Jon̄oulruo Rijilōk ro ar kōm̧m̧ane juon lo̧ļo̧k eo eaorōk n̄an juon branch edik im ettoļo̧k an Kabun̄ in ilo Rabat, Morocco.

Ilo juon Jabōt in nokon in jota, Elder Holland ar kwaļo̧k iakwe eo an ritōl ro an Kabun̄ in n̄an aolep membōr ro an Kabun̄ ipeļaakin laļ in, jekdo̧o̧n ewi jon̄aer ilo bōnbōn ak ettoļo̧k ilo jikin ko rej pād ie.

“Rejjab meļo̧kļo̧k kom̧, im kom̧ij m̧ōttan juon jerbal ekabwilōn̄lōn̄ āinwōt an Irooj kwaļo̧k im kōm̧ōkajļo̧k kobatok eo an Israel ilo iien bōk eddo in āliktata,” eaar ba.

Tegucigalpa Honduras Tampeļ eo eaar Aje

Ilo Jabōt, M̧aaj 17, 2013, ālkin juon iien m̧ōņōņō kōn m̧anit im jilu wiik in kōpeļļo̧k m̧weo, Tegucigalpa Honduras Tampeļ eo eaar aje ilo jilu m̧wen̄an ko, ko raar kadiwōjļo̧k n̄an aolep iunit ko an Kabun̄ in ilo Honduras im Nicaragua.

Membōr ro rej riHonduran, ro raar ito-itak elōn̄ awa ko n̄an Guatemala City Guatemala Tampeļ, raar m̧ōņōņō in lo jinoin an laļ en kar aje tampeļ eo. Tampeļ eo kar m̧o̧ktata kwaļo̧k jān Būreejtōnji eo Kein Kajuon ilo juon leta ilo Juun 9, 2006, im bwidej eo kar rupe ilo jikin eo kiiō ilo Jeptōm̧ba 12, 2009.

Būreejtōn Monson ej Loļo̧k Germany

Jem̧ļokinļo̧k 2012 Būreejtōn Thomas S. Monson ar ilo̧k n̄an Germany n̄an ioon membōr ro an Kabun̄ in ilo Hamburg, Berlin, Munich, im Frankfurt, Germany, im n̄an kōketak er n̄an lo̧o̧r Jisōs Kraist.

“Eaar katakin jeorļo̧k bōd jen meļo̧kļo̧k,” eaar jiron̄ membōr ro ilo Frankfurt. “Eaar katakin meanwōr jen jouj. Eaar katakin kōn wūjļepļo̧k jen leļo̧k Emake.”

Jodikdik ro ipeļaakin laļ in rej kwaļo̧k ekōjkan aer jutak ilo jikin ko rekwojarjar.