Mijenede ro Rem̧m̧an ded an Kabun̄ in rej Lo Lan̄lōn̄ ilo Jerbal in Jipan̄
Elder Ernesto Sarabia ar kōņak juon pāāj in mijenede ekilmej kajjojo raan ilo mijen eo an. Bōtaab ijjitōn̄ eo an ilo mijen eo eaar jej uwaan jān elōn̄ ro jet’ —Elder Sarabia ar jerbale āinwōt juon mijenede in jerbal in jipan̄ an Kabun̄ edik (YCSM) ilo Mexico Hermosillo Mijen Opiij eo.
“Kōm̧ij kile bwe emaron̄ in jab em̧m̧an n̄an jet iaan likao ro im jiron̄ ro n̄an jelm̧ae en̄taan ilo ānbwin im apan̄ ko an juon mijen edipieo,” Elder M. Russell Ballard jen Doulul eo an Jon̄oulruo Rijilōk ro eaar ba. Ak menin, ar ba, ejjab meļeļe in rejjab maron̄ bōk kūņaer ilo kōjeram̧m̧an ko an jerbal in mijenede (“One More,” Liahona, Māe 2005, 69).
Elder Russell M. Nelson jen Doulul eo an Jon̄oulruo Rijilōk ro ar ba, “Juon mijen ej juon m̧akūtkūt ejjeļo̧k wōnāān n̄an jerbal n̄an Anij im aolep armej” (Kajjitōk Ippān Mijenede ro! Er Remaron̄ Jipan̄ Eok!” Liaona, Nob.2012, 18), im elōn̄ wāween ko n̄an leļo̧k jerbal in jipan̄ jab in.
N̄an ro me rej kōtļo̧k er ilo utiej jān jerbal in itok itak ko redipieo an mijen ko, ak n̄an ro me rej aikuj m̧ōkaj aer ro̧o̧l, YCSM būrookraam̧ eo emaron̄ lewaj en̄jake ko eļap meļeļeier an mijen.
Men ko Aikuji n̄an Jerbal
YCSM ej aikuj maron̄ ilo ānbwin, kōļmenļo̧kjeņ, jetōb, im en̄jake n̄an kōm̧m̧ani eddo ko an kūr eo aer, eo me rej lukkuun jejjet n̄an e.
M̧ōttan ko an YCSM rej jān 6 n̄an 24 allōn̄ ko im remaron̄ aitokaer jān jerbal ruo raan ilo juon wiik edipieo. Ewōr iien ko rem̧m̧an n̄an jerbal ilo jukjukinpād eo barāinwōt ettoļo̧k jān kapijuknen eo. Ijjitōn̄ ko an YCSM remaron̄ koba kappok eo an menmenbwij an baam̧ļe, meļeļe ko ilo kein kapeel ko, rijipan̄ an opiij an mijen eo, joko ko an bisop, im elōn̄.
Rie Baam̧le im Priesthood
Ro jinen im jemān, ritōl ro an priesthood, im membōr ro an Kabun̄ in remaron̄ jipan̄ kōpooj YCSM ro repojak n̄an jerbali mijen ko.
Baam̧le eo an sister Eliza Joy Young eaar ļap aer jipan̄ e, likūt ļo̧k n̄an im jān opiij ko an Kabun̄ in ilo Sydney, Australia.
Elder Michael Hillam, eo ej jerbal ilo Distribution Center eo ilo Hong Kong, ar ba, “Rūkaki in jemenere ro aō ilo jim̧arok im ritōl ro aō ilo Doulul eo an Ļikao ro raar jipan̄ eō kōppopo.”
Karmejete ej Bōktok Kōjeram̧m̧an ko
Sister Young ar karmejete raan ko an jān jerbal eo an ejjab aolep iien n̄an jerbale juon mijen in jipan̄ an Kabun̄. Liin ar ba, “Iaar en̄jake aō epaakeļo̧k Jemedwōj Ilan̄ jeļā ij jipan̄ E.”
Ilo kakobabaļo̧k n̄an kōjeram̧m̧an ko ilo jetōb, jerbale juon jerbal in jipan̄ mijen an Kabun̄ in ej leļo̧k n̄an mijenede ro rūm̧m̧an ded iien ko rem̧m̧an raorōk an ippān doon im m̧ōkade. “Mijen eo aō ar kwaļo̧k n̄an eō bwe imaron̄ in jerbal ilo jerbal ko reppelļo̧k,” Sister Young ar ba. (Liin ar jerbal wōt ilo jerbal ko ejjab aitok kitier m̧oktaļo̧k.)
Men̄e ejjab aolep rūm̧m̧an ded ro me rej kōņaan jerbal remaron̄, kijejeto eļap ej kōm̧m̧an n̄an tōpar aolep rūm̧m̧an ded ro rōrerreo. Likao im jiron̄ ro rekōņaan jerbal ilo wāween in maron̄ kōnono ippān bisop ak branch būreejtōn eo aer, eo emaron̄ in pukōt iien ko rem̧m̧an im rekkar n̄an er.
Riit eļapļo̧k ilo news.lds.org jen pukōt “young church-service missionaries.”