Ta eo Jej Tōmak ie

Jetōb Kwojarjar eo ej Kainōm̧m̧an, Im̧we, im Kam̧ool

Menin letok eo an Jetōb Kwojarjar ej juon iaan kōjeram̧m̧an ko reļļap jemaron̄ in bōke ilo mour in, n̄an kainōm̧m̧an eo an Jetōb Kwojarjar, im̧we, kakkōl, karreeo, im tōl kōj. E ej kobrak kōj “kōn kōjatdikdik im iakwe eweppān” (Moronai 8:26). E ej katakin “m̧ool eo an men ko otemjeļo̧k” (Moronai 10:5). Jej bōk revelesōn im menin letok ko an jetōb jān Anij kōn Jetōb Kwojarjar eo. Men eo eaorōktata, jej bōk naan in kam̧ool eo ad kōn Jemedwōj Ilan̄ im Jisōs Kraist jen Jetōb Kwojarjar.

M̧okta jen am kar peptaij, kwaar en̄jake Jetōb Kwojarjar jān iien n̄an iien. Ak ilo wōt jen bōk menin letok eo an Jetōb Kwojarjar ālkin am peptaij komaron̄ in lan̄lōn̄ kōn jem̧jerā eo an Jetōb Kwojarjar, lewaj n̄an eok erreo. Menin letok in kar letok jen juon Melkisedek Priesthood jen likūt pā ioon bōran (lale Jerbal 19:6; D&C 33:15). Kajjojo raan in Jabōt tokālik, kwomaron̄ kōkāāl bujen peptaij eo am ilo am bōk kwojkwoj eo barāinwōt bōk kōjeram̧m̧an eo an Irooj ej ba bwe Jetōb Kwojarjar eo en maron̄ pād ippam aolep iien (D&C 20:77).

Jetōb Kwojarjar eo, ekkā kōnono kake āinwōt Jetōb eo, eo ej membōr eo kein kajilu in Doulul in Anij. Rikanaan Joseph Smith eaar katakin: Jemān im Nejin ewōr ānbwinnin kanniōk im dii ippāer āinwōt maron̄ jibwe āinwōt armej. Jetōb Kwojarjar ejjeļo̧k juon ānbwinnin kanniōk im dii ak ej juon Jetōb wōt. Eļan̄n̄e en kar jab āindein, Jetōb Kwojarjar eo en kar jab maron̄ deļo̧n̄ ilo kōj (lale D&C 130:22).

“Kōnke Jetōb eo an Irooj ej jab jokwe ilo tempel ko re jakkwojarjar” (Hilamōn 4:24), jej aikuj erreeo kōn jem̧jerā eo An. Jej kōm̧m̧ane menin jen, ilubwilijin men ko jet, wōr kōļmenļo̧kjeņ ko rewānōk, mour ilo m̧ool, im pukōt n̄an kōjparok kien ko.

Ālkin bōk menin letok eo an Jetōb Kwojarjar, jemaron̄ kōm̧m̧ani elōn̄ men ko n̄an karuwaineneik kareel eo An ilo mour ko ad:

• Jar.

• Katak jeje ko rekwojarjar.

• Erreo n̄an bōk m̧ōttan kwojkwoj eo.

• Kabun̄jar ilo tampeļ eo.

• Alooje pija ko rem̧m̧an, kōjerbal naan ko rem̧m̧an, im būk ļōmņak ko rewānōk.

N̄an lōn̄ļo̧k in meļeļe ko, lale 2 Nipai 31:13, 17; 32:5; 3 Nipai 27:20; Moronai 10:5–8; Joseph Smith—History 1:70.

Jej Jab Aikuj Bōk Menin Letok in n̄an Kōm̧jāje

“Āinwōt ippān aolep menin letok ko, menin letok in ej aikuj bōk im errā kake n̄an maron̄ lan̄lōn̄. N̄e pein priesthood ro kar door ioon bōram n̄an kapen eok āinwōt juon membōr in Kabun̄ eo, kwoj ron̄ naan ko, ‘Bōk Jetōb Kwojarjar.’ Menin ejjab meļeļein bwe Jetōb Kwojarjar eo ejjab wōnm̧aanļo̧k wōt erom m̧ōttam indeeo. Jeje ko rekwojarjar rej kakkōl kōj bwe Jetōb eo an Irooj enaaj ‘jāmin kauwe armej indeeo (Jenesis 6:3). N̄e jej kapen, jej bōk jim̧we eo n̄an jem̧jerā an Jetōb Kwojarjar eo, ak ej juon jim̧we bwe jej aikuj wōnm̧m̧anļo̧k n̄an bōke jen pokake im erreo.”

Elder Joseph B. Wirthlin (1917–2008) jen Doulul eo an Jon̄oulruo Rijilōk ro, “The Unspeakable Gift,” Liahona, May 2003, 28.

Pija eo jen Christina Smith, Eve Tuft, Cody Bell, im Matthew Reier