Katakin N̄on Kokajur Jodrikdrik Ro
Aorōk eo an ro M̧ōttad Rem̧m̧an
Ro m̧ōttād ewōr ippāer juon kareel ekajoor n̄an m̧akūtkūt ko ad, eļaptata ilo jodikdik ro ad. “Renaaj kareel wāween am ļōmņak im m̧akūtkūt, im aaet jipan̄ ļōmake armej eo kwonaaj erom.”1 Im n̄e kwoj kālet ro m̧ōttam̧ rem̧m̧an, “renaaj erom juon kajoor eļap im jeram̧m̧an n̄an kwe. … Renaaj jipan̄ eok erom juon armej em̧m̧an im naaj kapidodoik n̄an eok n̄an mour kōn ko̧jpeļ eo an Jisōs Kraist.”2
Ilo peij 52–53 an bok in, Elaine S. Dalton, būreejtōn eo eutiej an Doulul eo an Jiron̄ ro, ej katakin aorōk in kappukōt im erom juon m̧ōttā em̧m̧an. “Pukōt em̧m̧an eo eutiej an bar juon armej ej aorōk an jem̧jerā em̧ool,” ej ba.
Kalōk jem̧jerā ioon pedped kein naaj jipan̄ jodikdik ro ejaake jem̧jerā ko ejjeļo̧k jem̧ļo̧kier im kapeel in ekkōnono ko rej ilōn̄ļo̧k erom “m̧ōttā ro” ilo site in networking ko. Āinwōt juon m̧am̧a ak baba, kwomaron̄ jipan̄ ajri eo nejum̧ meļeļe aorōk eo an juon m̧ōttā eo em̧m̧an im n̄an kālet eo m̧ōttam em̧m̧an eo enaaj rōjan̄ er n̄an mour kōn ko̧jpeļ eo. Elmakot kein remaron̄ in ļap aer jipan̄.
Elmakot ko n̄an Katakin Jodikdik ro
-
Āinwōt juon baam̧le, etale jeje ko rekwojarjar n̄an waanjon̄ok ko an juon m̧ōttā em̧m̧an Ekōnono kōn ta ko rekarbab kar kōm̧m̧an an kajoor jem̧jerā ko. Kile David im Jonathan (lale 1 Samuel 18–23), Ruth im Naomi (lale Ruth 1–2), im Alma im ļaddik ro nejin Mosaia (lale Mosaia 27–28; Alma 17–20).3
-
Etale m̧wen̄an eo kōn jerā ilo N̄on Kokajur Jodrikdrik Ro. Kwaļo̧k ippān jodikdik ro wāween jem̧jerā ko raar kōkajoorļo̧k mour eo am. Karuwaineneik er n̄an kwaļo̧k wāween aer kar kōkajoorļo̧k im aer kar kōkajoorļo̧k jen ro m̧ōttāer.
-
Riiti katak eo an Sister Dalton ilo bok in. Kōnono kōn kōttōpar eo an leddik eo nejin, Emi, eaar kōm̧m̧ane n̄an pukōt ro m̧ōttān rem̧m̧an. Jipan̄ ajri eo nejum kōm̧m̧ane kōttōpar ko kōn kain m̧ōttā rot rej kōņaan in pukōte im erom.
-
Ļōmņak in kōm̧m̧ane juon nokon in jota an baam̧le n̄an kwaļo̧k ļōmņak ko n̄an kalōk jem̧jerā ko, āinwōt kein: “Bwe en wōr ro m̧ōttad rem̧m̧an, n̄an erom juon m̧ōttā eo em̧m̧an. Kwaļo̧k itok limo eo em̧m̧an ilo ro jet; ettōn̄ dikdik im kōm̧m̧an bwe ren jeļā bwe kwoj kea kōn er. Kōm̧m̧an em̧m̧an n̄an aolep ilo jouj im kautiej, im jab ekajet im kōnanaik ro ipeļaakim.”4
Elmakot ko n̄an Katakin Jodikdik ro
-
Erom juon m̧ōttā eo ej kitbuuj ro jet. Riiti “Standing Up for Caleb” ilo M̧aaj 2009 Liahona im kōnono ippān ajri ro nejim kōn wāween eo remaron̄ in jouj n̄an aolep armej ro rej iiooni.
-
Ilo aolep jekjek, kōm̧ ar aikuj ļōmake kain m̧ōttā rot kōm̧ naaj aikuj erom. Al ippān doon “I’m Trying to Be Like Jesus”5 innām kōnono ippān ajri ro nejim kōn wāween aer maron̄ kālet n̄an erom juon m̧ōttā eo em̧m̧an, āinwōt Rilo̧mo̧o̧r eo, ilo elōn̄ kōm̧anm̧an ko.
Kōmeļeļe jen Taia Morley