Kaonsel Wetem Lod

Eduardo Olivera, Sera, Brasil

Taem mi bin gat 15 yia, mi bin laekem wan gel long klas blong mi long skul mo mi wantem blong deitem hem. Hem i naes tumas, be mi stap tingting sapos mi save askem hem blong go aot bifo mi gat 16 yia. Mi tingbaot Alma 37:37, we i talem se: “Askem advaes long Lod long evri wok blong yu, mo bae hem i ldidim yu blong gud.” Mekem se hemia nao wanem mi bin mekem. Mi bin prea mo mi wet blong sam dei blong kasem ansa blong Lod bifo mi mekem wan desisen.

Wan dei long jos, bisop blong mi i bin singaotem mi i go long rum mo invaetem mi blong toktok long nekis Sandei. Traem ges se wanem topik? No mas deit bifo yu gat 16 yia. Mi bin filim se hemia i bin ansa blong Lod long mi, mo hem i no. Olsem wanem nao bae mi tijim wan samting we mi no bin praktisim?

From mi bin askem advaes long Lod, mi bin save lanem tingting blong Lod abaot laef blong mi, mo tu, blong kamaot long temtesen. Mi save se sapos yumi askem advaes long Lod, bae Hem i talem tingting blong Hem long yumi mo bae Hem i blesem yumi bigwan.