Kajoor eo an Pinmuur eo

Ioriti Taburuea, Kiribati

Ke mijenede ro raar katakin eō, unleplep in unin kōnono ko an katak ko aer aolep iien raar kōn Jisōs Kraist im Pinmuur eo An. Raar kōmeļeļeik bwe Pinmuur eo ej juon menin letok jān Jisōs Kraist n̄an kajjojo iaad. Ej juon menin letok me jemaron̄ kōjerbal ilo mour ko ad raan otemjej n̄e jej jelm̧ae mālijon̄ ko ak n̄e jej jerawiwi. Kajoor eo an Pinmuur eo ekōbōkkak, ekōmour, im ejipan̄ kōj bar ro̧o̧l n̄an iaļ eo eaidin̄ im aidik me ej tōl ļo̧k n̄an mour indeeo.

Ilo an mijenede ro kar kwaļo̧k menin, eaar wōr juon aō en̄jake ekajoor me eaar kam̧ool n̄an n̄a bwe eaar m̧ool, im iaar kālet n̄an koba tok ilo Kabun̄ in.

Tok ālik iaar kālet n̄an jerbale juon mijen kōnke iaar kōņaan jipan̄ ro jet jeļā kōn menin letok in eaiboojoj. Jen katakin im kwaļo̧k kōn Pinmuur eo, iaar lo ro jet rej oktak n̄an juon wāween mour kāāl. Juon oktak edipieo eaar itok, ejjab wōt kōn ron̄ kōn Pinmuur eo ak kōn kōjerbale ilo mour eo aō barāinwōt.

Ijeļā bwe Pinmuur eo ej m̧ool. N̄e jej karuwaineneik tok kareel eo an n̄an mour ko ad, jekdo̧o̧n jekjek rōt ko jej jelm̧ai, aolep men maron̄ lolorjaki im jenaaj en̄jake lan̄lōn̄.