Lolenisou Sinou

Naʻe folaua ʻe Lolenisou Sinou ‘a e māmaní ‘o fakamafola ‘a e ongoongoleleí. Naʻe hanga ‘e ha afā ‘o fulihi hono vaká lolotonga haʻane folau ki Hauaiʻi. Naʻe falala ‘a Lolenisou ki he ‘Eikí pea naʻe fakahaofi ia mei he melemó. Naʻe lolotonga haʻane lea ‘i he Tāpanekale ‘i Sā Siaosí ‘i he 1899, naʻe ongoʻi ai ‘e Palesiteni Lolenisou Sinou hono ueʻi fakalaumālie ia ke ne akoʻi hono mahuʻinga ‘o e totongi vahehongofulu kakató. Naʻe fakaʻau ke tuʻumālie ‘a e tuʻunga fakapaʻanga ‘o e Siasí ‘i he kamata ke tokolahi ange ‘a e kāingalotu naʻa nau totongi ‘enau ngaahi vahehongofulú. Naʻe totongi ia ‘e he kāingalotú ‘aki ‘a e paʻanga ‘i he taimi naʻa nau maʻu ai iá, pea mo e ngaahi meʻa kehe hangē ko e fuaʻi moa, huʻakau, mo e fanga pulu ‘i he taimi na’e ‘ikai te nau maʻu ai ha paʻangá.

Tā fakatātaaʻi ʻe Robert T. Barrett