Fehokotakiʻanga ʻo e ʻOfá

ʻAi ke tokoni atu ha taha lahi ke kosi ha laʻi pepa manifi ʻe 28, taki ʻinisi ʻe 1 (senitimita ʻe 2.5) hono fālahí pea ʻinisi ʻe 8 (senitimita ʻe 20) lōloa. Fai ha ngāue tokoni ʻi he ʻaho takitaha he māhiná ni ke fakahaaʻi ai hoʻo ʻofa ki ha taha. Mahalo te ke tokoni ki hoʻo ongomātuʻá ke fakamaʻa homou ʻapí pe fai ha kiʻi tohi ʻofa ki ha kaungāʻapi.

Hiki ʻi he laʻi pepá he ʻaho takitaha e founga naʻá ke tokoni aí, pea tepiʻi pe kuluuʻi fakataha e ongo ngataʻanga ʻo e laʻi pepá ke faʻu ha foʻi fuopotopoto. Te ke lava ke fakafehokotaki hoʻo siakalé ʻaki hano fakahū e ngataʻanga ʻe taha ʻo ha laʻi pepa foʻou ki he siakale ʻo e ʻaho kimuʻá, kimuʻa peá ke toki tepiʻi pe kuluuʻi fakataha e ongo ngataʻanga ʻo e laʻi pepa foʻoú. Siofi e tupulaki e fehokotakiʻanga hoʻo ʻofá! ʻI he ʻosi ʻa Fēpuelí, te ke lava ʻo kei hoko atu pē e tānaki ki hoʻo seini ngāue tokoní.