Toʻu Tupú
Faʻahitaʻu Māfana ʻo e Ngāue Tokoní
ʻOku nofo ʻa e tokotaha naʻá ne faʻú ʻi Veisinia, USA.
ʻI ha faʻahitaʻu māfana ʻe taha ne u ngāue ai ʻi ha fonua muli mo e fānau ʻoku ʻi ai ʻenau fie maʻu makehé. ʻI heʻeku fuofua feʻiloaki mo e fānaú, ne u fuʻu manavahē. Ne ʻikai te u lea heʻenau lea fakafonuá, ka ne u falala ʻe tataki au ʻe he Laumālié ʻi heʻeku feohi mo kinautolú. ʻI he kamata ke u ʻilo fakatāutaha e fānaú, ne u fakatokangaʻi ʻoku ʻikai taʻofi ʻe he lea fakafonuá ia e ʻofá. Ne u vaʻinga, kakata, mo fai ha fanga kiʻi ngāue mo e fānaú peá u ongoʻi ha ʻofa moʻoni kiate kinautolu. Ne u mātā e ʻofa ʻoku maʻu ʻe he Tamai Hēvaní maʻa ʻEne fānaú, pea ʻoku ʻikai lava ke fakamatalaʻi e fiefia ne u maʻú.
Ko e taimi kotoa pē ʻoku ou tokoniʻi ai e niʻihi kehé, ʻoku ʻikai ngata pē ʻeku ʻofa ʻiate kinautolu ʻoku ou tokoniʻí ka ʻi he Tamai Hēvaní foki. Kuó u ʻiloʻi moʻoni “ʻo ka mou ka ʻi he tauhi ʻo homou kāingá, ʻoku mou ʻi he tauhi pē ʻo homou ʻOtuá” (Mōsaia 2:17). Ko e taumuʻa ʻo ʻeku tokoní, tatau ai pē pe ko ha ngāue tokoni lahi pe kiʻi angaʻofa siʻisiʻi pē, naʻe fai iá ke fakalāngilangiʻi e ʻOtuá (vakai, Mātiu 5:16). ʻOku ou ʻamanaki ʻi heʻeku tokoniʻi e niʻihi kehé, ʻe fakatokangaʻi ʻe he kakaí ʻeku ʻofa ʻi he Tamai Hēvaní pea mo e Maama ʻo Kalaisi ʻoku ulo atu meiate aú.