Stap Muvum Ston ia
I kamaot long “Kam Kolosap Moa long God,” Ensign o Konfrens Ripot, Nov. 2013.
Wan taem wan yang boe i bin stap traem blong klinimaot wan doti eria biaen long haos blong hem, blong hem i save pleplei longwe wetem ol pleiplei trak blong hem. I bin gat wan bigfala ston we i blokem wok blong hem. Boe ia i bin pusum mo pul wetem evri paoa blong hem. Be i nomata olsem wanem hem i bin traem, bigfala ston ia i no save muv nating.
Papa blong hem i stap lukluk hem blong smol taem. Afta hem i bin kam long boe blong hem mo talem: “Yu nidim blong yusum evri paoa blong yu blong muvum ston ia we i bigwan.”
Boe i ansa: “!Mi yusum evri paoa blong mi!”
Papa blong hem i ansa: “No, i no tru. !Yu no kasem help blong mi yet!”
Tufala i bendaon tugeta mo muvum ston ia isi nomo.
Lod i wantem yumi blong dipen long Hem taem yumi lukaot blong stretem ol problem yumi. Afta mifala i save filim lav blong Hem moa oltaem, wetem moa paoa, moa klia, mo moa abaot yumi. Yumi kam wan wetem Hem, mo yumi save kam olsem Hem.