Paoa Ia blong Blesem Evri Pipol

Ol lida blong Jos oli bin tijim yumi se ol prishud odinens mo kavenan oli stap blong evri pikinini blong God-ol man mo woman.

Pikja i kam long Gel Amstrong

“Prishud i paoa mo atoriti blong God we Hem i givim blong sevem ol man mo blesem evriwan,—ol man, ol woman mo ol pikinini.  …

“I gat ol spesel blesing we oli kam long God we i blong evriwan we i klin inaf we i baptaes, we i kasem Tabu Spirit, mo i tekem sakramen oltaem. Tempol i karem i kam moa laet mo paoa, wetem promes blong laef we i no save finis [luk long D&C 138:37, 51].”

Elda Nil L. Andesen blong Kworom blong Olgeta Twelef Aposol, “Paoa long Prishud,” Ensign o Konfrens Ripot, Nov. 2013.

“Ol prishud odinens mo kavenan, oli mekem se yumi save kasem ful promes blesing we i kam long God, we i stap tedei tru long Atonmen blong Sevya. Oli ol boe mo ol gel blong God wetem paoa, paoa blong God, mo givim yumi janis ia blong kasem laef we i no save finis—blong gobak long ples blong God mo stap wetem Hem long famle blong Hem we i no save finis.”

Karol M. Stifens, fas kaonsela long Rilif Sosaeti jeneral presidensi, “?Yumi Save Wanem Yumi Gat?” Ensign o Konfrens Ripot, Nov. 2012.

“Hem i impoten blong yumi andastanem se Papa long Heven i mekem wan rod blong evri boe mo gel blong Hem blong oli save gat ol blesing mo stap strong moa tru long paoa blong prishud. Long medel blong plan we God i gat blong ol spirit pikinini blong Hem, i gat ofisol toktok blong Hem ia, se hemia i wok mo glori blong Hem blong mekem man i nomo save ded mo i kasem laef we i no save finis (luk long Moses 1:39).”

Elder M. Russell Ballard of the Quorum of the Twelve Apostles, “‘Hemia Wok blong Mi, mo Glori blong Mi,’” Ensign o Konfrens Ripot, Mei 2013.