Get mo Rod
Ol prishud odinens mo kavenan oli putum yumi long rod blong laef we i no save finis, mo oli blesem yumi wetem paoa we yumi nidim naoia.
Yumi evriwan i stap lukaotem laef we i no save finis, we i minim blong Jisas i sevem yumi mo yumi kam olsem wan god long ples blong selestial kingdom we i moa hae olgeta, long ples we yumi save stap wetem Papa long Heven olsem ol famle.
Antap long fet long Jisas Kraes mo fasin blong sakem sin, ol odinens mo ol kavenan blong prishud oli letem yumi tekem rod ia we i go long laef we i no save finis. I nomata taem we yu kam wokbaot long rod ia, o weaples nao yu stap long hem naoia—o sapos yu bin bon insaed long Jos, o yu bin baptaes i kam long Jos afta, o sapos yu bin aktiv ful laef blong yu, o sapos yu jes kambak long Jos—nomata wanem, bae yu save wokbaot i go long rod ia taem yu lukluk nomo long ol kavenan blong yu mo wanem yu save mekem blong kasem ol kavenan ia mo kipim olgeta.
Mo hem i impoten blong save se ol odinens mo kavenan blong prishud oli no jes givim promes blong wan gudfala fiuja nomo. Oli givim tu, paoa, kamfot, mo sapot we yumi nidim naoia blong save folem rod ia mo stap strong kasem en long stret mo gud fasin.
Get
Rod we i lid i go long laef we i no save finis (stap strong kasem en)
Luk long 2 Nifae 31
-
Ol Odinens mo Kavenan we Yumi Mas Kasem
-
Baptaes
-
Presen we I Tabu Spirit
-
Kasem prishud mo odinesen blong prishud (Blong Ol Yang man)
-
Endaomen blong tempol
-
Tempol Siling
-
-
Stap Riniu mo Mekem Ol Odinens Oli Kam Strong Moa
-
Sakramen—riniu, evri wik, long kavenan blong baptaes
-
Ol Petriakel blesing—wan spesel rod we bae i lidim yu mo ol blesing we God i promesem
-
Ol Blesing blong ol sikman—helpem man mo hilim man
-
Ol blesing blong papa, mo ol narafala blesing blong kamfot mo kaonsel—pis mo daereksen taem wan i nidim
-
Laef we i no save finis (selestial kingdom wetem ol famle)