Tosoi na Vatu
Mai na “Toro Voleka Vua na Kalou,” Liaona, Nove. 2013, 104.
A tovolea toka e dua na gonetagane ena dua na gauna me samaka na vanua ni duka ena daku ni nona vale me rawa ni vakatatalotaki ira kina na nona motoka. A tiko e dua na vatu levu ka vakataotaka tiko na nona cakacaka. E biliga ka dreta na gone oqo ena nona kaukauwa taucoko. Ia se vakacava na kaukauwa ni nona tovolea, e sega ni yavala rawa na vatu.
A vakaraici koya malua toka o tamana. Sa qai lako mai vei luvena ka kaya, “Ko na gadreva mo vakayagataka na nomu kaukauwa taucoko ni tosoya e dua na vatu levu vakaoqo.”
E sauma lesu na gonetagane, “Au sa vakayagataka taucoko na noqu kaukauwa!”
A vakadodonutaki koya o tamana: “Sega, o se bera. O se bera ni rawata rawa na noqu veivuke!”
Rau sa qai cuva sobu ruarua ka tosoya vakarawarawa na vatu.
E vinakata na Turaga meda dau nuitaki Koya ena vakameautaki ni noda leqa. Sa na qai rawa ni da vakila vakawasoma cake na Nona loloma, vakaukauwa cake, vakamatata cake, ka vakatamata cake. Sa yaco meda duavata kei Koya, ka rawa ni yaco meda vakataki Koya.