Vakasama ni Lotu Vakamatavuvale
Era tiko ena ilavelave oqo na itukutuku kei na itaviqaravi ena rawa mera vakayagataki ena lotu ni matavuvale. Oqo e rua na kena ivakaraitaki.
“Vitu na Siga me Yacova na Siganimate,” tabana e 10, kei na “ Era Vakadinadinataka na Karisito sa Bula o Ira na iVakadinadina Digitaki,” tabana e 16: Sa rawa mo ni vakayagataka na iyaya ena itukutuku oqo ena nomuni lotu vakamatavuvale ena veisiga ena macawa ni bera na Siganimate. Vakatekivu ena Sigatabu ni bera na Siganimate, mo wilika na nodratou ivakadinadina na Mataveiliutaki Taumada ena tabana e 17 ka vakamuria na ivakasala e tiko ena “Vitu na Siga Me Yacova na Siganimate.” Ena veisiga yadua ni oti o ya, mo wilika na nodra ivakadinadina na iApositolo ka vakayagataka na ivolanikalou, sere ni lotu, kei na itaviqaravi era tiko ena “Vitu na Siga Me Yacova na Siganimate” mo wasea kina e dua na itukutuku ki na nomu matavuvale. Ena Sigatabu ni Siganimate, sa rawa mo sarava na vidio ni iVolatabu “He Is Risen” [Sa Tucake Tale o Koya] e tiko ena lds.org/bible-videos (sa vakarautaki tu ena vica na vosa).
“Oqori E Sa Rui Rawarawa, Tukaqu!” tabana e 67: Ni ko sa wilika oti na itukutuku oqo, sa rawa talega mo taura mai na nomu kaloko (stopwatch)! Sa rawa mo dou wilika vakamatavuvale e dua na tabana mai na iVola i Momani ka raica na balavu ni gauna o dou wiliwili kina. Vakayagataka na gauna o ya me idusidusi, mo qai raica na balavu ni gauna dou na wilika kina vakamatavuvale na iVola i Momani. Sa rawa mo lavaka mo dou wilika vata kina na iVola i Momani. Na kena tauyavutaki e dua na ituvatuva, me vakataka na wiliwili vakagauna ena veisiga yadua, ni sa rawa me vukei iko mo rawata na nomu ilalawa.
Taba ivakaraitaki mai vei David Stoker
Ena Nomu Vosa
Era sa vakarautaki tu na Liaona kei na ivola tale eso ni Lotu ena vuqa na vosa ena languages.lds.org.