Kauta mai ki Vale na Lalai
Na Matavuvale E Sa Suitu ni Yavu ni Tamada Vakalomalagi
Vulica vakalevu me baleta na ikau ni Lalai ena vula oqo!
E dau taleitaka o Misha na tarai ni vale balavu mai na buloko, ia e dau vakacudrui koya ena so na gauna ni ra lulutu ki ra na buloko eso. E qai vulica okoya e dua na kavuni. Ni vakayagataka vakalevu cake okoya na buloko ena boto ni nona vale balavu, e vaqaqacotaka saraga na yavu ni nona vale balavu. E taura toka na vosota kei na vakatovotovo, ia a mani yaco me tara rawa okoya na vale balavu eso ka sega ni lutu sobu vakarawarawa.
Me vaka ga a vulica o Misha me tara na vale balavu qaqaco eso, sa dodonu meda vulica ni tara e dua na matavuvale qaqaco cake. Na matavuvale e sa dua na tiki bibi ni yavu ni Tamada Vakalomalagi me baleti keda. Ni bera ni da mai sucu, eda a bula tu vakaluvena tagane ka luvena yalewa vakayalo na Tamada Vakalomalagi. Ni sa gauna ni noda lako sobu mai ki vuravura, a navuca vei keda o Koya meda lako ki na matavuvale. E vinakata o Koya me taqomaki keda na noda matavuvale, vakatavulici keda, ka vukei keda ni lesu tale ki Vua.
Sa rawa ni da cakacaka ka solia ki na noda matavuvale e dua na yavu qaqaco cake. Sa rawa ni da vakatovotovotaka na qaravi kei na vukei ni tamata yadua. Sa rawa ni da vakarorogo ka vosa vinaka ki na tamata yadua. Sa rawa ni da masu ka vulica vata na ivolanikalou. Sa rawa ni da cakacaka vata ka vakayagataki gauna vata ena caka ni veika eda rekitaka. Mai na vosota kei na vakatovotovo, sa rawa ni da tara e dua na matavuvale qaqaco cake.