2014
Seven Dei Kasem Ista
Epril 2014

Ol Hom blong Yumi, Ol Famle blong Yumi

Seven Dei Kasem Ista

Yu mo famle blong yu, i save lanem abaot wanem Jisas i bin mekem taem Hem i bin stap long wol ia. Stat long Sandei bifo Ista. Long wanwan dei, ridim skripja, mekem wan aktiviti, o singsing long singsing ia (o wan nara singsing abaot topik ia). Afta katemaot pikja blong Jisas we i go stret wetem skripja stori ia mo stikim long wan empti bokis. Taem yu fulumap evri bokis, !Ista bae i kam!

Dei 1

Papa long Heven i bin sendem Pikinini blong Hem, Jisas Kraes, blong kam mo bon long wol ia.

  • Luk 2:4–7

  • “He Sent His Son” [Hem i Sendem Pikinini blong Hem] (Children’s Songbook, 34).

Dei 2

Jisas i bin wan pikinini long wan taem. Yumi save kam olsem Hem taem yumi mekem gud mo stap kaen.

  • Luk 2: 40, 52

  • “Jesus Once Was a Little Child” [Jisas I bin wan Smol Pikinini long Wan Taem] (Children’s Songbook, 55).

Dei 3

Jisas i bin kipim evri komanmen blong Papa long Heven, wetem komanmen ia blong kasem baptaes.

  • Matiu 3:13–17

  • “When Jesus Christ Was Baptized” [Taem Jisas Kraes I bin Baptaes] (Children’s Songbook, 102).

Dei 4

Jisas i bin mekem plante merikel, olsem hilim ol man we oli bin sik, helpem olgeta we oli no save lukluk blong lukluk bakegen, mo mekem wan strong win i stop.

  • Mak 4:36–39

  • “Tell Me the Stories of Jesus” [Talem ol Stori blong Jisas long Mi] (Children’s Songbook, 57).

Dei 5

Long Las Sapa, Jisas i bin askem ol disaepol blong Hem blong tekem sakramen olsem wan wei blong tingbaot Hem. Taem yumi tekem sakramen evri wik, yumi tu, yumi save tingbaot Sevya.

  • Luk 22:19–20

  • Toktok long ol papa mo mama blong yu abaot wan samting we yu save mekem blong helpem yu tingbaot Jisas long taem blong sakramen long Sandei ia.

Dei 6

From we Papa long Heven mo Jisas oli lavem yumi, Jisas i bin kam long wol blong safa from ol sin blong yumi, blong yumi save kasem fogivnes mo gobak long Papa long Heven.

  • Luk 22: 41–44

  • ?Wanem wan samting we yu save mekem tedei blong soem Jisas se yu stap talem tangkyu tumas from sakrifaes blong Hem?

Dei 7

Afta we Hem i bin stap long hol blong ston blong tri dei, Jisas i bin girap bakegen long ded. From se Hem i bin girap bakegen long ded, yumi tu, yumi save girap bakegen long ded.