Boðskapur heimsóknarkennara
Hið guðlega hlutverk Jesú Krists: Frelsari og lausnari
Kynnið ykkur efnið sem hér er, í bænaranda og leitið að því sem miðla á. Hvernig getur skilningur á lífi og starfi frelsarans aukið trú ykkar á hann og blessað þær sem þið vakið yfir með heimsóknarkennslu? Frekari upplýsingar eru á reliefsociety.lds.org.
Trú, fjölskylda, líkn
Meðal þýðingarmestu og best lýsandi titla Jesú Krists, er titillinn endurlausnari,“ sagði öldungur D. Todd Christofferson, í Tólfpostulasveitinni. „Endurleysa merkir að leysa frá kvöð eða skuld. Endurleysa getur einnig táknað að bjarga eða láta lausan eins og að borga lausnargjald. … Allar þessar merkingar vísa til mismunandi þátta í hinni miklu endurlausn sem Jesús Kristur framkvæmdi með friðþægingu sinni, sem felur í sér, samkvæmt orðabókinni: ‚Að frelsa frá synd og refsingum hennar, svo sem með fórn sem færð er í þágu syndarans.‘“1
Linda K. Burton, aðalforseti Líknarfélagsins, sagði: „Himneskur faðir … sendi sinn eingetna og fullkomna son til að þjást fyrir syndir okkar, sorgir og hvaðeina sem virðist ósanngjarnt í okkar persónulega lífi.
… Kona ein sem hafði árum saman búið við raunir og sorg sagði með tár í augum: ‚Mér hefur orðið ljóst að ég er eins og gamall þúsund króna seðill — krumpuð, snjáð, óhrein, þvæld og tætt. En … ég er samt fullra þúsund króna virði.‘ Þessi kona vissi að hún … var nægilega mikils virði í augum [Guðs] til að hann sendi son sinn til að friðþægja fyrir hana, persónulega. Sérhver systir í kirkjunni ætti að vita það sem þessi kona veit.“2
Úr ritningunum
Úr sögu okkar
Í Nýja testamentinu eru frásagnir um konur sem iðkuðu trú á Jesú Krists, lærðu og tileinkuðu sér kenningar hans og báru vitni um þjónustu hans, kraftaverk og hátign.
Jesús sagði við konuna við brunninn:
„‚Hvern sem drekkur af vatninu, er ég gef honum, mun aldrei þyrsta að eilífu. Því vatnið, sem ég gef honum, verður í honum að lind, sem streymir fram til eilífs lífs.
Þá segir konan við hann: ‚Herra, gef mér þetta vatn, svo að mig þyrsti ekki . …
Ég veit að Messías - það er Kristur.… Þegar hann kemur, mun hann kunngjöra oss allt.’
Jesús segir við hana: ‚Ég er hann, ég sem við þig tala.”
Hún „skildi … eftir skjólu sína” fór inn í borgina og bar vitni um hann. (Sjá Jóh 4:6–30.)