Paulo ug Carlo D., edad 10, gikan sa Pilipinas, kaluhang mga lalaki. Gusto kaayo sila nga modako na aron makadawat sa priesthood ug makapaambit sa sakrament. Ganahan silang motudlo sa uban kabahin sa ebanghelyo, ug sila nangandam na sa pagserbisyo og mga misyon. Si Carlo mosulti sa tanan nga iyang kaila mahitungod sa buhing propeta, ug si Paulo ganahan nga modala sa iyang Basahon ni Mormon sa eskwelahan ug mobasa niini uban sa iyang mga kauban sa klase. Nasayud sila nga importante ang pagbasa sa mga kasulatan kada adlaw ug mosimba sa Dominggo. Si Carlo ug Paulo maayong mosulti og duha ka pinulongan—Tagalog ug Ilokano—ug sila nagkat-on og Iningles sa eskwelahan. Ganahan silang magdula og basketball uban sa ilang mga higala.
Usa ka adlaw didto sa eskwelahan ang akong mga amigo gustong mosulti ko og dili maayo nga pulong diha sa klasrom nga walay tawo. Sa dihang miingon ko nga dili, gisungog ko nila ug gikataw-an. Dayon miingon ko og oo, ug akong gisulti ang pulong og hinay ug dali. Dayon nagmahay ko sa akong gibuhat. Nianang gabhiona nag-ampo ko sa akong tibuok kasingkasing ug naghinulsol sa pagsulti og dili maayo nga pulong. Nasayud ko nga ako makaduol kanunay sa Langitnong Amahan aron makahibalo unsay matarung, ug kon dunay sayop, moingon ko og dili, bisan kon ang akong mga amigo mosulti nako sa pagbuhat niini. Mapasalamaton ko sa paghinulsol!
Paola L., edad 10, Mexico
Maningkamot nga Mahisama ni Jesus
Sa eskwelahan nangandam mi sukad sa sinugdanan sa tuig alang sa dakong kalihokan nga gitawag og Festidanza. Sama sa kada tuig, himoon kini sa Sabado. Dayon usa ka adlaw ang among direktor mipahibalo nga kini usbon ngadto sa Dominggo. Akong giingnan ang akong mama nga ma-Dominggo manimba mi, ug ako malipayon nga mobalaan sa Igpapahulay nga adlaw.
Isaías R., edad 6, Peru
Ang labing nindot nga kasinatian sa akong kinabuhi mao ang adlaw nga ako nabunyagan. Ang akong mama mitudlo nako nga kon ako mabunyagan, ako ang responsable sa akong tanang mga aksyon. Miabut ang adlaw, ug ang akong papa ug ako pulos nagsul-ob og puti. Gikulbaan ko, apan sa dihang migunit ko sa kamot sa akong papa aron manaog sa bunyaganan, nasayud ko mamaayo ra ang tanan. Sa dihang gisulti sa akong papa ang pag-ampo sa bunyag ug gituslob ko sa tubig, akong gibati ang nindot nga mga butang sa akong kasingkasing nga lisud ipasabut. Dayon gikumpirmahan ko ug gihatagan sa gasa sa Espiritu Santo. Malipayon kaayo ko nga nabunyagan. Sama sa gipakita nga ehemplo ni Jesukristo alang nako, nagpakita ko og ehemplo alang sa akong manghud nga lalaki. Nahibalo ako nga si Jesukristo buhi ug nahigugma nato.
Richard H., edad 8, Guatemala
Agustina B., edad 10, Argentina
Marianella B., edad 7, Argentina
Ganahan ko sa seksyon sa mga bata diha sa Liahona tungod kay ang mga istorya makatabang nako nga makat-on bahin sa Langitnong Amahan. Mohangyo ko kanunay sa akong mama sa pagbasa nako sa mga istorya. Ganahan ko og mga puzzle, maze, painting, ug pagsulti og mga istorya. Ganahan kong makat-on og bag-ong mga butang sa Primary. Nasayud ko nga ang Langitnong Amahan nahigugma nako, ug Siya nahigugma usab ninyo. Maningkamot ko sa paghinumdom Kaniya kanunay ug mopili sa matarung.
Jocelyn C., edad 4, Nicaragua
Sukad pa sa akong pagkagamay, gusto na kong modawat sa Aaronic Priesthood. Kon madawat na nako ang priesthood, makahimo na ko sa pagpaambit sa sakrament, ug ang mga pultahan sa templo pagaablihan ngari nako. Talagsaong pribelihiyo nga mahisakop niining gipahiuli nga Simbahan, ug ako nasayud nga tinuod ang ebanghelyo. Sa dili madugay mobiya na ko sa Primary, diin daghan kaayo ang akong nakat-unan, ug moapil sa batalyon sa kabatan-onan sa Young Men.
Santiago P., edad 11, Ecuador
Si Santiago ug ang iyang manghud nga lalaki, si Jairo
“Ug usa ka binuhat ang nagpakita kanako, kansang kupo hilabihan sa kaputi nga sukad akong nakita. Ang iyang pangalan mao si Moroni.” (Tan-awa sa Joseph Smith—Kasaysayan 1:30–33.)