Mga Ideya sa Family Home Evening

Kini nga isyu naglangkob og mga artikulo ug mga kalihokan nga mahimong magamit sa family home evening. Ang mosunod mao ang duha ka mga ideya.

“Ang Gahum sa Priesthood—Anaa para sa Tanan,” pahina 18: Sa dili pa mag-family home evening, basaha ang upat ka pangutana nga gipangutana ni Sister Burton niining artikulo. Pagdala og gamayng suga sa family home evening (siguroha nga wala kini ma-plug). Ipasiga kini sa tanang sakop sa pamilya. Ipahisama ang gikinahanglang kuryente sa pagpasiga sa lampara ngadto sa gahum sa priesthood. I-plug kini ug i-on ang suga ug hisguti kon sa unsang paagi kitang tanan makabenepisyo sa kahayag sa suga, o sa gahum sa priesthood. Ipakonsiderar sa mga sakop sa pamilya ang mga paagi nga sila napanalanginan tungod sa priesthood. Mahimo mong magsugod og memorya sa kasulatan diha sa Doktrina ug mga Pakigsaad 84 nga gihangyo ni Sister Burton nga atong memoryahon.

“Ang Nindot nga Ideya ni Will,” pahina 78: Mahimo ninyong sugdan pinaagi sa pagkanta og “I Love to See the Temple [Gusto ko nga Makita ang Templo]” (Children’s Songbook, 95) o laing mga kanta kabahin sa templo. Basaha kini nga artikulo isip pamilya ug hisguti nganong ang mga templo importante. Pa-drowinga ang tanang sakop sa pamilya og litrato sa templo, tingali kanang pinakaduol kon asa mo nagpuyo. Ikonsiderar sa pag-display sa mga drowing ug mga litrato sa pahina 79 diha sa inyong balay kon asa kini makita kada adlaw. Hisguti kon sa unsang paagi ang pagkakita sa litrato sa templo makapahimumdom kanato sa paghimo og desisyon nga makapahimo natong takus sa pagsulod sa templo.

Sa Inyong Pinulongan

Ang Liahona ug ubang mga materyal sa Simbahan anaa sa daghang mga pinulongan sa languages.lds.org.