Malingaw Ba Ko sa Pag-indeks?
Ang tagsulat nagpuyo sa Veracruz, Mexico.
Miapil ko sa tumong sa stake sa pag-indeks og 50,000 ka ngalan. Sa sinugdanan lisud kini. Pipila ka okasyon ang batch nga akong gi-download lisud sabton ang agi sa pagsuwat, ug usahay ganahan na nakong iuli kini ug mag-download og lain. Apan nakaamgo ko nga kon kini ang hunahuna sa tanan, kadto nga mga batch mapasagdaan gyud. Makahunahuna ko sa daghang linya sa mga tawo nga nagpaabut diha sa kalibutan sa espiritu, ug mihukom ko nga ipadayon ang pagbasa niadtong mga ngalan ug isulat (transcribe) kini nga walay sayop.
Nakakat-on sa paghigugma niadtong mga tawhana. Nasabtan nako nga tinuoray nanginahanglan sila sa atong tabang, ug kita usab nanginahanglan sa ilang tabang. Mas nasabtan nako nga ang gikonsiderar ang tanan diha sa hingpit nga plano sa Langitnong Amahan. Kon mosunod kita sa inspirasyon ug mga instruksyon sa Iyang pinili nga mga lider, kita makasaksi sa Iyang kalooy ug mahangturong gugma.
Nahimong nindot kaayo nga kasinatian ang indeksing para nako. Nakakat-on ko sa paghatag og bili ug paghigugma sa daghang butang kabahin sa family history. Nakaangkon usab ko og bililhong mga gasa gikan sa atong Ginoo pinaagi sa pagsunod sa usa ka butang nga ingon ka simple sa pag-apil sa indeksing.