Veitokani wavokiti Vuravura
O Au o Bárbara mai Chile
.
¡Hola, amigos!*
E vakaitikotiko o Bárbara mai Chile, e dua na matanitu ena ra ni baravi kei Sauca Amerika. E balavu lila ka buli toka vaka na reveni. Eso na yasana e katakata ka mamaca (me vakataka na Atacama Desert), ka so e bulabula ka suasua (me vakataki Easter Island). E vakaitikotiko o koya ena koroturaga kei Chile, o Santiago.E vakaitikotiko mai Utah e Amerika o koya e vola
O au duadua ga au lewe ni Lotu ena noqu kalasi e koronivuli. Sa noqu madigi kina meu tukuna vei ira noqu itokani baleti Jisu Karisito kei na iVola i Momani. Ena dua na gauna a kerei au o noqu itokani vinaka duadua meu vakavulici koya na masu. Au qai cakava vakakina. Keirau sa qai masulaka vata na keirau vakasigalevu e koronivuli.
Au sa yabaki ciwa ka rua tiko na ganequ lalai. Au dau saga meu ganedrau vinaka ka veivuke ena nodrau qarauni ka qito vata kei rau. Au taleitaka na qarauni ira na gonelalai. Au vinakata meu qasenivuli niu sa qase cake.
Ena yabaki 2013 au a yabaki walu kina ka papitaisotaki au o tamaqu ka vakadeitaki au Sa dua na ka noqu marau! Sa dua na gauna talei kau na dau nanuma tikoga.
Keimami dau marautaka na holidei veivakamarautaki e Chile. Na 18 ni Sepiteba e Siga ni Tu Vakai Koya, kei na ka 19 e Siga ni Mataivalu. Ena rua na siga oqo, keimami dau meketaka na neimami meke ni vanua na “La Cueca” ka kana lewe ni manumanu tavu vakasavu weli e vakatokai na empanadas.
Ena mua ni macawa, keitou dau taubale balavu vakamatavuvale ka vodo lori yani ki na veiulunivanua volekata neitou itikotiko. Keitou dau taleitaka talega na gole i baravi.
E keimami kakana taleitaki ena Siganisucu na—tomata vakasoso ena tuna. Mai Chile, e dau yaco mai o Santa Claus ena bogi levu tutu ni Kirisimasi Ivi. Keimami dau saga me keimami yadra tiko me yacova ni yaco mai!
iMatau:iVakaraitaki ni beki mai vei Thomas S. Child