Sa Vakavakarau o Mathilde ki na Goneyalewa

Mai vei Jenn Wilks, Utah, Amerika

Sa marautaka tiko o Mathilde ni sa na vakarau lewena na Goneyalewa, ia e sega ni matata vua na veika ena sotava. Sa qai vosa kina vei buna. E buna o Sisita Bonnie Oscarson, na peresitedi raraba ni Goneyalewa. Ena wasea o koya e so na ivakasala momona sara!

Tarogi tinamu se bumu se dua ga na marama ena nomu tabanalevu na veika e nanuma rawa baleta na Goneyalewa. O na rogoca beka eso na ka lasa.

Oti …

Ena gauna se tiko kina o Sisita Oscarson ena Goneyalewa, a rawata o koya na beji ni rawa-ka eso. A qai cula vata me dua na wabale, vata kei na kena senikau e vakatakilakilataka na yalodina.

… ia Na

iTaube oqo ena ivakananumi tiko vei iko mo rarama tiko vei ira na tamata ka mo tutaka na dina kei na ivalavala dodonu.

O na rawata talega na reveni ni ko vakacavara vinaka na veika sotavi kei na cakacaka ni Torocake Yadudua.

Ko sa qai ciqoma talega na metali ni Goneyalewa.

iTekitekivu Vou

A gole o Mathilde ki na dua na itaviqaravi digitaki e vakatokai na iTekitekivu Vou. A vakayacori kina e dua na lesoni veivakamarautaki ka vulica na Torocake Yadudua.

Sa cakacakataka tale tikoga o Mathilde na nona iCocovi ni Vakabauta na Kalou ka wiligusutaka na Yavu ni Vakabauta.

E Dua na iVakananumi Digitaki

E a tiko o Mathilde kei na vuqa na tacina ena Vale ni Koniferedi ena ka 6 ni Epereli, 2013. Ia era a sega ni kila na vuna a sureti ira kina o budra mera gole kece mai ki na koniferedi raraba. Era a kurabui ka marau ni sa mai tokoni o koya me peresitedi ni mataisoqosoqo ni Goneyalewa.

Vakasala nei Sisita Oscarson baleta na Vakavakarau!

• Tauyavutaka nomudrau veimaliwai kei na Tamamu Vakalomalagi ena nomu masu ka wilika na ivolanikalou.

• Mo raica ka kila na parokaramu ni Torocake Yadudua.

• Wilika na ivolanikalou, Me iSakisaki ni iTabagone, kei na Liaona.

• Tekivu vulica na itoko ni Goneyalewa. Ni ko na cavuta vata ena veimacawa kei ira kece na goneyalewa.

Oi keimami na luvena goneyalewa na Tamada Vakalomalagi, ka sa dau lomani keimami, ka keimami dau lomani Koya. Keimami na “vakadinadinataka na Kalou ena veigauna kecega, ena veika kecega, kei na veivanua kecega” ni keimami dau tovolea me keimami bulataka na Yavunilewa ni Goneyalewa, sa i koya oqo:

Vakabauta • Bula Vakalou • Keda yaga yadua • Kila Ka • Digidigi kei na Vakatulewa Vakataki Koya • Cakacaka Vinaka • Yalodina • kei na iValavala Dododnu

Keimami vakabauta ni keimami sa ciqoma ka cakava na veika talei oqo, keimami sa na vakavakarau kina vaqaqacotaki ni vuvale kei na matavuvale, me qaravi ka maroroi na veiyalayalati tabu, laki vakaivotavota ena cakacakatabu vakalotu ni valetabu, ka marautaka na veivakalougatataki ni bula cecere.(Mosaia 18:9)

Sa sega ni via wawa o Mathilde …

• iTaviqaravi ena veimacawa

• Kilai ira na vo ni lewe ni Goneyalewa.

• Gole ki na keba ni Goneyalewa.

Tuvai ni Veika ni Marau

E dau kacivi buna o Mathilde ena “Mo” na ivakaleka ni moder, e kena ibalebale va-Swideni na tinana.

Goneyalewa

Torocake Yadudua

Yalayala mai vei amiloslava/iStock/Thinkstock