Hoho‘a teata no ni‘a ia Iosepha Semita i ni‘a ia Hulu i teie nei

Ua milioni taata i teie nei e nehenehe e farii i te hoê hoho‘a teata tei hamanihia e te Ekalesia no te faahanahanaraa i te peropheta Iosepha Semita. Iosepha Semita : Te Peropheta no te Faaho‘i-faahou-raa mai, te hoê hoho‘a e faati‘a ra i te oraraa e te faufaa ai‘a o te peropheta, e roaa te reira i teie nei no te mata‘ita‘i ma te tamoni ore i ni‘a ia Hulu, hoê tahua natirara e opere nei i te maita‘ita‘iraa natirara.

Teie te hoho‘a teata matamua a te Ekalesia tei ô atu i roto i te hoê rave‘a haaparareraa rahi mai ia Hulu, i reira e 4 milioni taata tei tapa‘ohia e nehenehe e mata‘ita‘i na ni‘a i te aniraa i te maita‘ita‘iraa natirara na roto i te mau faanahoraa Roku, Apple TV, Xbox, PlayStation, e te mau niuniu afa‘ifa‘i e te mau tauihaa roro uira e tu‘ati atu i ni‘a i te Itenati. Te roaaraa te hoho‘a teata i ni‘a ia Hulu, e faati‘a ïa te reira eiaha i te mau melo ana‘e o te Ekalesia, i te tahi atoa râ mau taata e ere i te melo no te Ekalesia, ia mata‘ita‘i e ia haapii rahi mai i ni‘a i te Ekalesia.

Te mau melo e mata‘ita‘i, e tuu i to ratou mana‘o, e e tapa‘o i to ratou au i teie hoho‘a, e faaohie atoa ïa ratou ia vetahi ê ia ite mai i te reira.