Tauturu e vai ra no te feia e faaruru nei i te faatîtîraa raau taero o te tahi taata herehia

E nehenehe te mau hoa faaipoipo e te mau utuafare e faaruru nei i te faatîtîraa raau taero o te tahi taata herehia ia fariu atu i ni‘a i te hoê reni arata‘i apî no te ite mai i te tauturu, te tia‘iraa, e te faaoraraa.

O te buka « Spouse and Family Support Guide [Tauturu arata‘i no te hoa faaipoipo e te utuafare] » e vai ra i ni‘a ia AddictionRecovery.lds.org, tei faataahia no te tauturu i te mau hoa faaipoipo e te mau melo utuafare ia ora mai ratou i te mau tamataraa ta ratou e faaruru nei no te faatîtîraa o te tahi taata herehia i te raau taero, te ava, te hoho‘a faufau e aore râ te tahi atu mau raau e mau raveraa faatîtî. Mea na roto i te reo peretane, e aita e maoro roa e roaa mai te reira na roto i te reo paniola, potiti, farani, italia, helemani, rusia, tinito, tapone e korea.

E 12 tuhaa to teie buka arata‘i tei faatumuhia i ni‘a i te faaoraraa, te faarahiraa i te tia‘iraa, e te iteraa mai i te puai na roto ia Iesu Mesia.

E rave rahi mau mana‘o ohie tei horo‘ahia, mai te rave‘a no te haamauraa i te mau oti‘a e te mau ture, te rave‘a no te aparauraa i te faatîtÎraa e te faaoraraa mai i te hoê tei herehia, e no te rave-tano-maitai-raa i te topa-faahou-raa’tu i roto.

E faaohipahia te buka arata‘i no te aparauraa i roto i te hoê apooraa omo‘e no te patururaa i te hoa faaipoipo e te utuafare, tei pûpûhia e te LDS Family Services. E nehenehe atoa te reira e faaohipahia no te tuatapaparaa a te taata iho e aore râ e faaohipahia e te feia faatere o te Ekalesia i roto i te mau farereiraa e te mau uiuiraa.