Te mau rave‘a tauturu no te taviniraa e roaa i te mau apooraa

Ua fana‘o te mau melo o te apooraa tĭtĭ e paroisa i teie nei i te hoê tahua apî a te Ekalesia tei piihia « Ministering Resources [Te mau rave‘a tauturu no te taviniraa] », e roaa i ni‘a ia ministering.lds.org, no te tauturu i te mau taata e te mau utuafare i roto i to ratou mau hinaaro pae tino e pae varua, mai te mau fifi rahi e te atâta. E roaa te reira i te feia e piiraa mana i roto i te apooraa tĭtĭ e paroisa na ni‘a i ta ratou parau tomoraa LDS.

Te mau tauturu tei roaa noa na mua‘e nei i te mau episekopo e te mau peresideni tĭtĭ, ua faatanohia e ua matara i teie nei i te tahi atu feia faatere, mai te mau arata‘iraa taa ê no ni‘a i te rave‘a tautururaa i te feia tei hamani-ino-hia, te feia e aro ra i te faatîtîraa, te mau metua otahi e fanau mai, te feia e hi‘o nei te hoho‘a faufau, te feia e faahinaaro nei i te hoê taata no to’na iho apeni, e te feia e aro nei i te fifi pae moni e te fifi ohipa.

I raro a‘e i te arata‘iraa a te episekopo, e nehenehe i te apooraa paroisa e faaohipa i teie mau rave‘a tauturu no te aparau amui no te maitai o te mau taata e te mau utuafare i roto i te mau oti‘a o ta ratou paroisa.