Taimi ʻo e Folofolá

Ko ha Fononga ke Ako kau kia Sīsū Kalaisi

Ako fakataha ki he Fuakava Foʻoú he taʻú ni!

Te mou fai ha fononga fakaʻofoʻofa ʻi he taʻú ni he Palaimelí ʻo molomolomuivaʻe ʻia Sīsū mo ako kau ki Heʻene moʻuí mei he ngaahi peesi ʻo e Fuakava Foʻoú. ʻE ako foki ʻe hoʻomou mātuʻá ʻa e ngaahi potufolofola tatau ʻi heʻenau ngaahi kalasí.

Ko ha ngaahi ʻekitivitī ʻeni ke tokoni ke mou ʻilo fakataha lahi ange mo homou fāmilí ki he Fuakava Foʻoú.

Hivá mo e Folofolá

• “Talamai ʻa e Ngaahi Talanoa ʻo Sīsuú” (Tohi Hiva ʻa e Fānaú, 36)

• Mātiu 11:29

Ngaahi Fakakaukau ki he Talanoa Faka-Fāmilí

Ko e hā ʻoku mahuʻinga ai mo fakafiefia ke ako e Fuakava Foʻoú? ʻE tokoni fēfē ʻa e ʻilo lahi ange ki he Fakamoʻuí ke tau mālohi ange aí? Fakapapauʻi ke ʻoange ki he tokotaha takitaha ha faingamālie ke fakamatala ai. Te mou lava ʻi heʻene ʻosí ke hivaʻi ʻa e “The Books of the New Testament” (Children’s Songbook, 116). Te mou lava foki ke faʻu ha ngaahi kaati pea hiki ai e hingoa ʻo e ngaahi tohí mo fokotuʻu fakahokohoko.

Ngaahi Tokoni Fakafolofolá

ʻE tokoni hono fakaʻilongaʻi hoʻo folofolá ke ke maʻu ngofua hoʻo ngaahi veesi manakó!

Te ke lava ʻo fakaʻaongaʻi ha peni vahevahe, peni, pe peni vahevahe fakalanulanu.

Laineʻi a e ngaahi veesi ʻoku folofola ai ʻa Sīsuú—pe siakaleʻi pē ʻa e fika ʻo e vēsí.

ʻE lava ke ʻota ʻe hoʻo mātuʻá ha tatau ʻo e New Testament maʻau ʻi he lea faka-Pilitāniá pe faka-Sipeiní ʻoku $2.50 ʻi he store.lds.org.

• Feituʻu Naʻe Hāʻele ai ʻa Sīsuú