Naʻá ku faʻa anga taʻeʻofa, ka kuó u liliu, mo fie vahevahe ʻa e ongoongoleleí. Te u ikunaʻi fēfē hoku ongoongó?
ʻUluakí, ʻoua naʻa tuku ʻa e manavasiʻí ke ne taʻofi koe. Kapau kuo ueʻi koe ʻe he Laumālié mo ke feinga ke fakatomala mo liliu, ko ha meʻa fakaofo ia. Manatuʻi, ʻoku hoko ʻa e liliu ko ʻení tuʻunga ʻi he mālohi fakatauʻatāina ʻo e ʻaloʻofa ʻa Sīsū Kalaisí. Te ke lava ʻo hoko ko ha taha foʻou tuʻunga ʻi Heʻene tokoní, mo ke kamata ke liliu ho ongoongó. Te Ne toe tokoni atu foki ke ke vahevahe ʻa e ongoongoleleí. Neongo ʻe fuofuoloa hono liliu ho ongoongó, ka ʻe ʻaonga. Ko ha ngaahi meʻa siʻi ʻeni te ke lava ʻo fai ʻi he ngāue ko iá:
-
Kole fakamolemole ki he kakai ʻokú ke ʻilo ne ke fakaloto-mamahiʻí.
-
Feinga ʻaki ho iví kotoa ke fakahaaʻi ha angaʻofa ki he kakai naʻe ʻikai ke ke fie angaʻofa ki ai kimuʻá.
-
Loto fakamātoato mo fakamoʻomoʻoni maʻu pē.
-
Kapau ʻoku anga taʻeʻofa ʻa e kakai ʻoku mou feohí ki he niʻihi kehé, taʻofi kinautolu pe ʻoua te ke toe feohi mo kinautolu. Telia naʻa lau fakataha koe mo kinautolu ʻe he kakaí.
-
Fakakaukau ke ke ako e Molonai 7 mo lotua ha ʻofa faka-Kalaisi.