Ngaahi Fakakaukau ki he Efiafi Fakafāmili ʻi ʻApí

ʻOku ʻi he makasini ko ʻení ha ngaahi fakamatala mo ha ngaahi ʻekitivitī ʻe lava ke fakaʻaongaʻi ki he efiafi fakafāmili ʻi ʻapí. Ko ha fakakaukau ʻeni ʻe ua.

“Founga ke Aʻusia ʻa e Ngaahi Taumuʻa Taʻengatá, peesi 60, mo e “Lisi ʻo e Meʻa Mahuʻinga Taha ʻe 10 ʻa ʻEpí,” peesi 76: ʻI he kamata ʻo e taʻu foʻoú, mahalo te ke fakakaukauʻi mo ho fāmilí ha ngaahi taumuʻa pau te mou ʻamanaki ke ikunaʻi fakafoʻituitui pe fakafāmili. Fakakaukau ke lau ʻa e fakamatala ʻa Sisitā Losemalei M. Uikisomu fekauʻaki mo e taumuʻa mahuʻinga taha ʻe 10 ʻa ha finemui ʻi he moʻuí, pea fakaafeʻi hoʻomou fānaú ke nau fokotuʻu mai ha lisi ʻo ʻenau ngaahi taumuʻá. Mahalo ʻe ʻaonga ki hoʻomou fānau lalahi angé hano aleaʻi e fakamatala ʻa ʻEletā Lōpeti T. Heili fekauʻaki mo e ngaahi taumuʻa taʻengatá mo e mahuʻinga ʻo e faʻu ha ngaahi palani ke aʻusia ʻa e ngaahi taumuʻa ko iá. Poupouʻi ʻa e kau mēmipa ʻo e fāmilí ke nau hiki ʻenau ngaahi taumuʻá pea tautau kinautolu ʻi ha feituʻu manakoa ʻi homou ʻapí.

“Tukupā Fakafolofola ʻo e Fuakava Foʻoú,” peesi 66: Fakakaukau ke kamata fakafāmili e tukupā laukonga ʻo e Fuakava Foʻoú. Te mou lava ʻo kamata ʻaki hano kole ki he mēmipa takitaha ʻo e fāmilí ke vahevahe ʻene talanoa ʻoku manako aí mei he moʻui ʻa Sīsū Kalaisí. Hili iá, mou hū fakataha ko e fāmili ki he gospelart.lds.org pe scripturestories.lds.org ke kumi ʻa e ngaahi vitiō mo e ngaahi meʻa fakaʻaati ʻoku feʻunga mo hoʻomou taimi tēpile laukongá. Pe fakakaukau ke fakatulamaʻi ha konga mei he Fuakava Foʻoú ʻi he lolotonga hoʻomou laú.

ʻI Hoʻo Lea Fakafonuá

ʻOku maʻu ʻa e Liahoná mo e ngaahi nāunau kehe ʻa e Siasí ʻi ha ngaahi lea fakafonua lahi ʻi he languages.lds.org.