Faleʻi ki he Ngaahi Fili Faingataʻá

Naʻe fakamatala ʻa Palesiteni Henelī B. ʻAealingi, Tokoni ʻUluaki ʻi he Kau Palesitenisī ʻUluakí, ʻo fekauʻaki mo ha taimi naʻe muimui ai ki ha faleʻi fakaepalōfita. Naʻe tapou ʻa Palesiteni ʻEselā Tafu Penisoni ki he kāingalotú ʻi ha lolotonga ha konifelenisi lahi ʻe taha, ke tuku ʻa e fakamoʻuá—tautautefito ki he fakamoʻua mōkesí.

Naʻe pehē ʻe Palesiteni ʻAealingi: “Ne u tafoki ki hoku uaifí ʻi he ʻosi e fakatahá peá u fehuʻi ange, ʻʻOkú ke pehē ʻoku ʻi ai ha faʻahinga founga te ta lava ʻo fai ai ia?’ ʻI he kamataʻangá naʻe ʻikai ke ma lava.” Ka ʻi he efiafi ko iá naʻá ne fakakaukau ki ha konga kelekele naʻe ʻikai ke na lava ʻo fakatau atu ʻi ha ngaahi taʻu. “Naʻá ma falala ki he ʻOtuá pea … mo e pōpoaki ʻa ʻEne tamaioʻeikí, [ko ia] ne ma fai leva ha telefoni. … Naʻá ku fanongo ki ha tali ʻokú ne fakamālohia ʻeku falala ki he ʻOtuá mo ʻEne kau tamaioʻeikí ʻo aʻu ki he ʻahó ni.” Naʻe fakahā ʻi he ʻaho tatau pē ko iá ʻe ha tangata haʻane mahuʻinga ki he kelekele ʻo e fāmili ʻAealingí ʻi ha mahuʻinga naʻe māʻolunga ange ʻi heʻena nō falé (mōkesí). Naʻe ʻikai hano taimi kuo tauʻatāina ʻa e fāmili ʻAealingí mei he fakamoʻuá (vakai, “Falala Ki he ʻOtuá, Pea ʻAlu Leva ʻo Fakahoko, Liahona, Nōv. 2010, 70–72).

Mahalo ʻoku ʻikai hao moʻua nō fale ke totongi he taimí ni, ka ʻe lava ʻe he faleʻi fakaepalōfitá ʻo tataki koe he meʻá ni pea ʻi he taimí ni ʻi he ngaahi fili faingataʻa fekauʻaki mo e ngāué, akó, ngāue fakafaifekaú, mo e teití. Talatalanoa mo ho fāmilí pe toʻú ʻo kau ki he founga te mou lava ai ʻo muimui ki he palōfitá ʻi he taimi kuo pau ke mou fai ai ha ngaahi filí.