Kabatan-onan

Pagtipig og usa ka Talaan

Gikomparar ni Presidente Uchtdorf ang atong panahon ngadto sa mga panahon sa mga pioneer. Samtang wala kamo motabok sa kapatagan, kamo sama sa mga pioneer kay sa inyong gihunahuna! Makapakita usab kamo og kalooy, kakugi, ug kamalaumon. Ug sama sa atong nahibaloan nga ang mga pioneer nagpakita niini nga mga hiyas tungod sa mga talaan nga ilang gitipigan, ang inyong mga kaliwatan makaila usab ninyo pinaagi sa inyong journal.

Paggahin og pipila ka minuto sa pagtala og gamay mahitungod sa inyong kaugalingon diha sa inyong journal. Makasulat kamo mahitungod sa espirituhanong mga butang, sama sa kon giunsa ninyo sa pag-angkon og pagpamatuod o pagbuntog og mga hagit uban sa tabang sa Langitnong Amahan. Makatabang usab kamo sa inyong mga apo sa sungkod (kinsa makabasa sa inyong journal sa umaabut!) aron masayud unsa nga matang ang inyong inadlaw nga kinabuhi. Unsa nga mga proyekto ang inyong gihimo sa eskwelahan? Unsay hitsura sa inyong kwarto? Unsa ang inyong paborito nga handumanan sa inyong pamilya?

Sa inyong pagsugod sa pagsulat og ginagmay matag adlaw, dili lamang kamo makakita nga mas klaro kon giunsa kamo pagtabang sa Langitnong Amahan sa inyong inadlaw nga kinabuhi, sama sa Iyang paggiya sa mga pioneer, apan kamo nagbilin usab og kabilin alang sa inyong kaugalingong kaliwatan sa umaabut.