Mga Ideya sa Family Home Evening

Ang Family home evening nagsaulog sa duha ka dagkong panghitabo sa kasaysayan sa 2015.

Usa ka gatus ka tuig ang milabay, si Presidente Joseph F. Smith (1838–1918) ug ang iyang mga magtatambag miawhag sa mga miyembro sa Simbahan sa paggahin og usa ka gabii sa paglambo ug pagkat-on. Sila misaad nga kadtong mobuhat makasaksi sa mas dakong gugma sa panimalay ug pagkamasulundon sa mga ginikanan. Ang konsepto sa home evening dili bag-o, apan kini nga pagdasig gikan sa Unang Kapangulohan niadtong Abril 27, 1915, nakatabang nga ang pagbuhat niini mokatap.

Singkwenta ka tuig ang milabay, si Presidente David O. McKay (1873–1970) mibag-o sa pagpasabut sa family home evening. Niadtong Enero 1965, siya mipabuhat sa unang manwal sa family home evening, uban sa sinemana nga mga leksyon nga itudlo sa matag panimalay. Niadtong 1970 ang Lunes sa gabii nahimong gabii sa family home evening.

Karon, 100 ka tuig human sa pag-implimentar niini ug 50 ka tuig human sa kaimportante sa pagpasabut niini pag-usab, ang family home evening nagpabilin nga importante sa kinabuhi sa mga miyembro sa Simbahan.