Notebook sa Abril 2015 nga Komperensya

“Unsa nga Ako ang Ginoo namulong Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon kini managsama ra” (D&P 1:38).

Samtang kamo magribyu sa kinatibuk-ang komperensya sa Abril 2015, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.

Sa pagbasa, pagtan-aw, o pagpaminaw sa mga pakigpulong sa kinatibuk-ang komperensya bisitaha ang conference.lds.org.

“Ang Pamilya: Usa ka Pamahayag ngadto sa Kalibutan”

“Adunay tulo ka mga baruganan nga gitudlo sa pamahayag nga sa akong hunahuna nagkinahanglan gayud og dili matarug nga mga manlalaban. …

Motabang kita sa pagtukod sa gingharian sa Dios pinaagi sa pagbarug nga maisugon ug ingon nga mga tigpanalipod sa kaminyoon, pagka-ginikanan, ug sa panimalay. Ang Ginoo nagkinahanglan kanato nga magmaisugon, makanunayon, ug dili matarug nga mga manggugubat kinsa mopanalipod sa Iyang plano ug motudlo sa umaabut nga mga henerasyon sa Iyang mga kamatuoran.

1. Kaminyoon tali sa lalaki ug babaye.

2. Ang tahas sa mga inahan ug mga amahan.

3. Ang pagkabalaan sa panimalay.

Bonnie L. Oscarson, kinatibuk-ang presidente sa Young Women, “Mga Tigpanalipod sa Pamahayag bahin sa Pamilya,” Liahona, Mayo 2015, 15, 16.

Alang sa dugang nga mga artikulo sa kaminyoon ug pamilya gikan sa kinatibuk-ang sesyon sa mga babaye sa Abril 2015 nga komperensya, tan-awa sa Cheryl A. Esplin, “Pagpuno sa Atong mga Panimalay uban sa Kahayag ug Kamatuoran,” 8, ug Carole M. Stephens, “Ang Pamilya Iya sa Dios,” 11.

Mga Istorya gikan sa Komperensya

Unsay nakadapit sa atong pagtagad mas maayo pa ba sa talagsaong istorya? Ang mosunod mao ang tulo sa daghang mga istorya sa nga gipaambit atol sa komperensya:

• Ang sambingay sa magpupugas, unsa kamo nga matang sa yuta? Sa unsang paagi nga ang pag-ila niana nakapausab sa inyong kinabuhi? —Tan-awa sa Dallin H. Oaks, “Ang Sambingay sa Magpupugas,” 32.

• Unsa nga makatandog nga mga kasinatian ang nakatabang sa batan-ong inahan nga mobalik ngadto sa ebanghelyo ni Jesukristo? —Tan-awa sa Rosemary M. Wixom, “Naglig-on sa Pagtuo,” 93.

• Sa unsang paagi nga ang kulbahinam nga istorya sa duha ka managsuon kinsa natanggong sa sheer canyon makapalambo sa atong pagsabut sa Pag-ula ni Jesukristo? —Tan-awa sa Jeffrey R. Holland, “Asa ang Hustisya, Gugma, ug Kalooy Mag-abut,” 104.

Litrato sa Madrid Spain Temple PINAAGI NI Garrett Wesley Gibbons; litrato sa magtiayon PINAAGI NI Jenn Jones; litrato sa tigkatkat sa pang-pang PINAAGI NI David Winters

• Bililhong mga Panalangin sa Templo

• Mga Cornerstone sa Kagawasan sa Tinuohan