Isip 14 anyos nga teacher, unsa gayud ang akong matampo sa home teaching?

Sumala sa kasulatan, ang katuyoan sa mga home teacher mao ang “pagduaw sa balay sa matag sakop, nag-awhag kanila sa pag-ampo sa dayag ug sa tago ug pag-amuma sa tanan nga mga katungdanan sa banay” (D&P 20:51). Ang mga home teacher “[mag]bantay … ug magpaduol ug maglig-on” sa mga tawo nga ilang tudluanan (D&P 20:53). Sila “magpasidaan, magpatin-aw, mag-awhag ug magtudlo, ug magdapit sa tanan sa pagduol ngadto kang Kristo” (D&P 20:59).

Karon pangutan-a ang inyong kaugalingon, “Mahimo ba nako kadtong mga butanga?” Ang tubag kay oo. Panguntan-a ang inyong kompanyon kon unsaon ninyo nga makatampo. Siya makatudlo kaninyo unsaon paghimo og mga sabut, pagpamatuod, paghatag og mga leksyon, ug uban pa. Dayon inyong makaplagan sa inyong kaugalingon kon sa unsang paagi kamo makapanalangin sa kinabuhi niadtong inyong gibisitahan, ug mobati mo nga masaligon sa paggamit sa mga gasa sa Dios nga gihatag kaninyo aron pagtuman niini ug sa uban pang mga buluhaton sa priesthood sa tibuok ninyong kinabuhi.