Auoi Leai! O Le A Nei La?

E mafai ona tupu i soo se mea—i le aiga, i le aoga, po o le fale o se uo. E faafuasei lava ona e vaai i se mea e te iloa e le lelei—i luga o se telefoni, TV, komepiuta, po o taaloga o masini, po o se tusi po o se mekasini. O lenei la o le a se mea e mafai ona e faia ina ia maua ai se lagona lelei?

Ia alu ese mai ai. Tape loa. Tuu i lalo. Taulimaina e pei o se mea oona mo lou faiai—aua o le mea sao lava lena.
Ta‘u atu i lou tina po o lou tama. E sili atu le iloa lelei o oe e ou matua, ma latou te mananao e fesoasoani ia te oe ia saogalemu ma fiafia. Aua le ma. O le mea na tupu ia te oe e tupu i nisi taimi e toetoe lava o tagata uma.
Faaauau le talanoa. E mafai ona fesoasoani ia te oe le ta‘u atu i lou tina po o lou tama i soo se taimi e te vaai ai i le taimi o le aso na e maua ai se lagona le lelei. E mafai e matua ona fesoasoani ia te oe e fai se fuafuaga e puipuia oe lava mai le vaaia o mea e le talafeagai. Afai e te lagonaina le saisaitia, popole, po o lou toe manao e toe vaai i se mea e le talafeagai, ia mautinoa e tau atu foi ia te i laua e uiga i lena mea.
Aua e te nofo ai lava iina. Matamata pe faitau i se mea lelei. Fai se mea e aoga. Fai se galuega lelei. Alu ina ia faatasi ma le aiga po o uo.
Manatua po o ai oe. E te le leaga ona o mea na e vaai i ai. O oe o se atalii o le Atua, ma e alofa o Ia ia te oe ma e finagalo e fesoasoani ia te oe ia saogalemu ma fiafia.
Ia faagalo. Vaai faalemafaufau ia te oe lava ia o lafoai ese se paluni ma matamata i ai ao opeopea ese atu. Taumafai e malolo ma ia tuu atu i mea sa e vaai i ai e faaopeopea ese atu mai lou mafaufau. O lenei la, vaai faalemafaufau i le malumalu, lou aiga, po o se isi mea e te fiafia e vaai i ai.

Ata na tusia e Shawna J. C. Tenney