Mo Tamaiti Laiti
O Maukeni a Paulo
E alala le tusitala i Iuta, ISA.
Sa fesoasoani Paulo ia Tama e toto se togalaau. Sa ia moomoo maimau pe ana i ai iinei lona uso o Eri e fesoasoani. Peitai sa mamao ese Eric i se misiona.
“O le a ou le matua lava e pei o Eric,” o le tala lea a Paulo. “E faapefea ona ou alu i se misiona e pei o ia?”
“Aua e te popole,” o le tala lea a Tama. “O le a e matua.”
Na tuu atu e Tama ni fatu maukeni ia Paulo. Na ia fesoasoani ia Paulo e totoina i latou.
“O nei fatu laiti o le a tutupu i ni maukeni lapopoa?” O le fesili lea a Paulo.
“Pe afai lea e te tausia lelei i latou,” o le tala lea a Tama.
E sau i fafo Paulo e vaavaai i le togalaau i aso uma. Sa ia faasūsūina, ma e lei umi ae amata ona oso ae ni tamai tatupu. Sa amata ona tetele laulaau. Sa veleeseina ma le faaeteete e Paulo ia vao.
E oo atu i le tautoulu ua matutua ana maukeni. Ma o ni maukeni tetele lanu moli!
Sa uu mai e Paulo ia Tama e faaali atu ia te ia. “Na e tausia lelei au maukeni!” Fai mai ai tama.
“Ioe! Ma o le a ou tausia lelei foi ia a’u, ina ia mafai foi ona ou matua.” Sa ataata atu Paulo. “Ma a ou matua, o le a mafai ona ou alu i se misiona e pei lava o Eric!”
Ata na tusia e Amy Wummer